Таҥха: Биһилэх көрүүтэ, ууга сабы сүүрдүү…

БИҺИЛЭХ КӨРҮҮТЭ
Биһилэх көрүүтэ эмиэ сүллүкүүн тахсыбыт кэмигэр буолар. Маны көрөргө  уу-чуумпуга хас эмэ киһиэхэ тиийэ мустуохтарын сөп.
Бу кэмҥэ биһилэх көрөөччү сиэркилэ икки өттүгэр чүмэчи уурар, сиэркилэ иннигэр туох да ойуута, кырыыта суох дьэҥкир уулаах ыстакаан. Түгэҕэр кыһыл көмүс биһилэҕи түһэрэллэр. Биһилэх көрөөччү киһи тугу көрүөн баҕарарын көрдөһөн  баран биһилэҕин кэтээн олорор. Бу кэмҥэ кини санаабыт санаатыгар туох буолуохтааҕа, эбэтэр кини кэргэнэ буолуохтаах киһи көстөн кэлэр.

ХААРЫ СИИДЭЛЭЭҺИН
Киэһэ сэргэ тулатын хаарын сиидэнэн төгүрүччү сиидэлииллэр. Сарсыарда туран көрдөххө, араас суоллар баар буолаллар эбит. Өскөтүн сиидэлээбит киһи байыыһы буоллаҕына, кулунчук, торбос суола, өскөтүн оҕолонууһу буоллаҕына оҕо атаҕын суола, өскөтүн өлүүһү буоллаҕына, хоруоп эбэтэр киһи унуоҕун пааматынныга о.д.а. баар буолар эбит.

УУГА САБЫ СҮҮРДҮҮ
Уоллаах кыыс дылҕаларын, кинилэр холбоһуохтарын дуу, суох дуу таайаллар. Иҥииртэн икки утаҕы ылан уулаах иһит үрдүгэр сэрэнэн кэккэлэһэ уураллар. Өскөтүн холбоһор буоллахтарына утахтар бэйэ-бэйэлэригэр эриллэллэр, өскөтүн табыллыбат буоллаҕына, икки аҥы бараллар эбит.

«Эдэр саас» архыыбыттан