ЫЙЫТ-ХОРУЙДУУБУТ: Таҥха кэмигэр дьиэни хайдах ыраастыыбыт?

Үгүс киһи Таҥха кэмигэр бэйэни ыраастаныахха, арчыланыахха уонна дьиэни буруолатан ыраастыахха сөп дуо диэн ыйытыылартан мунаахсыйар.

Бу ыйытыыга алгысчыт Петр Кычкин-Сайылык Бүөтүрэ маннык хоруйу биэрдэ:

— Таҥха кэмэ саха дьонугар-сэргэтигэр ураты кэм. Ол да буоллар бу билгэни билгэлэнэр кэмҥэ дьиэни-уоту, киһини ыраастыахха сөп. Ол курдук, боҕуруоскай отунан дьиэни буруолатан бэйэни, дьиэ иһин ыраастыыр наада.