СҮБЭҺИТ: Таҥха кэмигэр оҕо малын хомуйуҥ

Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит.

• Таҥха кэмигэр сууйуллубут таҥаһы таһырдьа хоннорор көҥүллэммэт (бу ордук тыа сиригэр олорор дьоҥҥо-сэргэҕэ сыһыаннаах);
• Таҥха кэмигэр оҕо малын-салын, оонньуурун киэһэ утуйарыгар булгуччу хомуйуллуохтаах. Итэҕэл быһыытынан, атын эйгэ дьоно тыытыахтарын, оонньуохтарын сөп;
• Таҥха кэмигэр иирсэр, куһаҕаны кэпсэтэр, ырытыһар куһаҕан. Дьон инники олоҕо, дьылҕата таҥхаланар кэмэ диэн этиллэр. Этэҥҥэ олорор буоллахха, инникини билэ сатыыр, тургутунар, таҥхаланар соччото суох.