Таҥха — саха төрүт үгэһэ

Былыргылар этэллэринэн, ахсынньы 22-с хонугуттан (Кыһыҥҥы Ньукуолун, күн-түүн тэҥнэһэр таҥарата) тохсунньу 19 хонугар (Кириһиэнньэ, уунан ыраастанар таҥара) диэри сир түннүгэ аһыллар, үөр-сүүрүк үксүүр.

Тохсунньу ый 9-с эргэтигэр улуу ойууннар төрүүллэр. Кэлин нууччалартан сүллүүкүн диэн тыл киирбит да, уу иччилэрэ диэн саха төрүт өйдөбүлэ.

— Таҥха — этитиилээх кэм, онон сэрэнэр-сэрбэнэр, харыстанар ордук.

— Таҥха кэмигэр аан, түннүк үрдүнэн, дал, хотон айаҕар этиҥ түспүт маһын тырыыҥкаларыттан кириэс охсуналлар.

— Киһи кута барсыа диэн таҥаһы таһырдьа хаалларыллыбат.

—Таҥхаҕа саҥа саталанар диэн, ордук хос тыл тахсара табыллыбат.

—Сүллүүкүн харчыны сөбүлүүр, онон таҥха кэмигэр харчы буллахха, туттубакка кичэйэн ууран кэбиһиллэр. Таҥха аастаҕына, сүтүктээххэ төннөрүллэр.

Саха ыалын халандаарыттан,

Р.Бравина «Саргыны салайыныы» кинигэтиттэн,

«Айар» кинигэ кыһата, 2026 с.