Хаартыска: Хомустаах бибилэтиэкэтэ
Былыр-былыргыттан биһиги өбүгэлэрбит таҥха иһиллээн, сэрэбиэй быраҕан, кистэлэҥ эйгэ быыһын сэгэтэн, инникилэрин тымтыктанан көрөллөрө. Ол үгэс күн бүгүҥҥэ диэри сүппэккэ-оспокко, таҥха оонньууларын сэҥээрэр киһи билигин да үгүс.
Тохсунньу 12-19 күннэригэр Нам улууһун I Хомустааҕар «Эйгэ» саҥа көлүөнэ бибилэтиэкэтигэр Эргэ саҥа дьыл уонна Таҥха кэмигэр аналлаах «Билгэлэн. Арчылан» тэрээһин ыытыллар.
Бибилиэтэкэ үлэһиттэрэ иһитиннэрбиттэринэн, биир идэлээхтэрэ Надежда Жиркова, Лариса Сивцева 1970-80 сыллардааҕы сэбиэскэй кэми санатар киһи кэрэхсиир зонатын тэрийдилэр. Бибилиэтэкэҕэ кэлбит дьон болҕомтолорун атахха турар «Чайка» тэлэбиисэр, «Иней-303» лиэнтэлээх магнитофон, «Смена» хаартыска аппарата, «Маяк» чаһы, кыра харыйачаан, Тымныы оҕонньор, Ленин мэтириэтэ, Нам улууһун «Ленин суола», «Эҥсэлиада» хаһыаттара, Саҥа дьыллааҕы аккырыыккалар, оонньуурдар, сувенирдар уо.д.а. урукку кэминээҕи маллар тардыахтара.
Бу эрэ күннэргэ 1947 с. тахсыбыт норуот таптыыр суруйааччылара Николай Якутскай «Төлкө», Николай Мординов—Амма Аччыгыйа «Сааскы кэм” кинигэлэринэн инникини билгэлэнии, хаартынан сэрэбиэйдэнии уонна маастар-кылаастар ыытыллыахтара.
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…