Таптал гороскуоба

От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий?

Хой

Ый саҥата саҥа билсиһии буолара саарбах. Атын дьыаланан үлүһүйэҕин. Ону таһынан кими эмэ сэҥээрдэриҥ даҕаны уустук. Оттон ый ортотуттан билсиһиигэ аһаҕас буолуоҕуҥ. Кэргэннээх хойдор чугас киһилэрин кытта өйдөһүүлэрэ күүһүрүө.

Оҕус

Ый саҥата быһаарыныы ылыныаҥ. Туохтан да толлубаккын. Дьон эйигин сэҥээрэр, ытыктыыр. Урукку өттүгэр сэҥээрэ, истиҥ сыһыаннана сылдьыбыт киһигин көрсүөҕүҥ.

Игирэлэр

От ыйа аҥардас үлэнэн эрэ олороргор туһулуур курдук. Кыраттан кыйыттаҕын, тугу эрэ күүтэҕин. Эйиэхэ болҕомто тиийбэтиттэн ардыгар санааҥ түһэр.  Ол эрээри ый ортотуттан барыта тупсуоҕа. Өйдөһөр киһигин көрсүөҥ.

Араак

Ый уустуктук саҕаланыа, түбүк үгүс. Чугас киһини кытта уопсай тылы булар уустугурар. Ол эрээри аһаҕас кэпсэтии барытын оннугар түһэриэ.

Хахай

Аһары аһаҕаскын, дьону угуйаҕын. Эйигин кытта кэпсэппит эрэ барыта астынар, сэргэхсийэр буолбут. Үгүс дьон болҕомтотун тардар кэмиҥ.

Кыыс

Ситиһиилээх ый саҕаламмыт. Уопсай тылы түргэнник булаҕын. Эр дьон, дьахталлар болҕомтолорун тардаҕын. Соһуччу көрсүһүү догутуулаах буолуоҕа.

Ыйааһын

Тоҕоостоох түгэннэр, үөрүүлээх көрсүһүүлэр тосхойуохтара. Дьону кытта билсиһии доҕордоһууга кубулуйуон сөп. Ол эрээри ис туруккун кэтэнэ сырыт, тапталга ылларыма.

Скорпион

Ый саҥата ситиһиилээх. Саҥа билсиһиилэр долгутуохтара. Оттон чугас киһини кытта уустук боппуруоһу быһаарыыны уталыта түс.

Охчут

Уһун кэм устата доҕордоспут киһигиттэн хомойуоххун сөп. Ол эрээри барытын искэр тутар наадата суох. Дьоҥҥо-сэргэҕэ аһаҕас буол, санаабыккын этинэр туһалаах.

Чубуку

Тус олоххор табыллыы күүтэр. Саҥа билсиһии, соһуччу көрсүһүү үөрдүөҕэ. Барыта тапталга кубулуйбатар да, санааҕын үөрдүөҕэ.

Күрүлгэн

Ый саҥата бэйэҕиттэн, атын да дьонтон элбэҕи ирдээмэ. Чугас киһигин кытта сыһыаҥҥа болҕомтолоох буол. Өйдөһөргө туох барыта иккиэҥҥититтэн тутулуктааҕын умнума.

Балык

Табыллыы кэмэ. Доҕоргун кытта тоҥуй сыһыаны туоратарга кыһалын. Билэр киһигин кытта сыһыаныҥ тупсуо. Оттон кэргэннээх балыктар ыраах айаҥҥа турунуугут ситиһиини түстүө.