Салгыы
Таптал туһунан бэртээхэй кэмиэдьийэ таҕыста

Таптал туһунан бэртээхэй кэмиэдьийэ таҕыста

11.02.2025, 21:07
Ангелина Васильева хаартыската
Бөлөххө киир:

Күн уһаан, сааскы кэммит чугаһаан иһэр курдук. Ону даҕаспытынан, Тапталлаахтар күннэрин көрсө, «Мин аатым Таптал» диэн мелодрама, кэмиэдьийэ киинэ киэҥ экраҥҥа таҕыста.

Бу сааскылыы сылаас, чэпчэки, бэһиэлэй киинэни режиссер Валентин Макаров устубут.
Бу киинэбитин икки сыл устата тиһэн, ситэрэн оҥордубут. Киинэ устар диэн, дьиҥэ, ыарахан үлэ. Элбэх киһи күнү быһа үлэлээбитэ  биэс эрэ мүнүүтэ буолар. Бу дьон сынньанарыгар анаммыт киинэ. Романтическай кэмиэдьийэҕэ бу аан бастакы холонуум. Дьону аралдьытыы, күллэрии, дьиҥэ, ыарахан жанр эбит. Хамаандабыт күүстээх буолан, киһи син көрөр киинэтэ буолбут быһыылаах. Уустуга диэн, дьиҥнээх көрүн-күлүүтүн толкуйдуурбар ыарахан этэ. Онон сорох түгэннэрин артыыстар толкуйдаабыттара, — диэн эттэ.
Сценарийын Валентин Макаров суруйбут, Любовь Борисова кыттыспыт. Кини дьахтар көрүүтүн, уйулҕатын уратытын, иэйиилээх түгэннэрин чочуйбут.
Көрөөччүлэр киинэни олус үчүгэйдик ылыннылар. Чахчы, киһи сынньанар, кыһалҕатын барытын умнар, чэпчэки, сылаас тыыннаах киинэ эбит. Элбэх көрдөөх-күлүүлээх, сорох сиринэн долгутуулаах түгэннэрдээх.

Таптал оруолун оонньообут Татьяна Легантьева олус истиҥник, чаҕылхайдык, итэҕэтиилээхтик оонньообутун бэлиэтиэххэ наада. Режиссер эппитинэн, киинэ тиэмэтин, дьоруойун булан баран, сценарийын Таняҕа анаан суруйбут.
Оттон Татьяна:  «Хас Саҥа дьыл аайы »сырдык уобарастаах сүрүн дьоруой оруолун оонньуом» диэн баҕа санаабын суруйан баран, чүмэчигэ уматан, төһөлөөх сиэбитим буолуой?» — диэн этэн, күллэрдэ.
— Мин олох үөрэ-көтө, астына оонньообутум. Оҕолонон, биэс сыл устата дьиэҕэ олорон баран, киинэҕэ уһуллубутум наһаа астык этээ! Валентин бэйэтин курдук, киинэҕэ устуу хаамыыта барыта сааһыламмыт этэ. Арай, кыра оҕолордоох буолан, ыарахаттары көрсүбүтүм уонна сүүрэрбэр ыарахан этэ, — диэн Татьяна кэпсээтэ.

Бу кэнниттэн көрөөччүлэр санааларын үллэһиннилэр.

Ульяна Лугинова, көрөөччү:
Олус дуоһуйан көрдүм. Тоҕо диэтэр, мин туох баар кыһалҕабын, дууһам кылын таарыйда. Маннык үчүгэйдик түмүктэммититтэн, долгуйдум, үөрдүм. Хараҕым уута тахсыар диэри күллүм.

Айталина Петрова, элбэх оҕолоох ийэ:
Наһаа истиҥ, киһи дууһатыгар киирэр киинэ буолбут. Наһаа сынньанныбыт, күллүбүт. Валентин Макаров киинэлэрин олус сөбүлүүбүт. Кини киинэлэрэ истиҥнэр, сырдыктар. Дьиҥнээх сахалыы кэмиэдьийэ тахсыбатаҕа ыраатта.

Владислав Коротов, суруналыыс:
Олохпут онто суох ыарахан. Маннык киһини сынньатар, кэрэҕэ тардар киинэлэр наадалар. Киһиэхэ куһаҕанын эрэ булан, күүркэтэн устан, ырааппаккын, киһиэхэ кэрэни, үтүөнү, сырдыгы көрө сатыахха наада.

«Киинэҕэ күлбэтэҕим ыраатта. Бүтэһигин »Кэскил» киинэҕэ маннык күлбүтүм. Уолум бу киинэни устууга үлэлээбитэ, киинэ устар диэн наһаа ыарахан эбит диэн эппитэ. Сахалыы саҥа киинэни көтүппэппит, өйүүн дьиэ кэргэнинэн кэлэргэ билиэт ыллыбыт», — диэн биир көрөөччү кэпсээтэ.

»Мин аатым Таптал» диэн кэмиэдьийэ олунньу 13 күнүттэн бары киинэ тыйаатырдарыгар көстүөҕэ.

«Лена» киинэ тыйаатыра Тапталлаахтар күннэрин көрсө номнуо кыһыл сүрэхтэринэн киэргэммит. Тапталлаахтар кэлэн, киинэни көрөн баран, хаартыскаҕа хатанан үйэтийэр муннуктара элбэх. «Сахафильм» уонна «Саха» НКИХ бу киинэҕэ  партнер буолбуттар.

+1
7
+1
1
+1
1
+1
0
+1
0
+1
0
+1
2
Бары сонуннар
Салгыы
12 февраля
  • -39°C
  • Ощущается: -39°Влажность: 60% Скорость ветра: 0 м/с

Сообщить об опечатке

Текст, который будет отправлен нашим редакторам: