Тапталлаахтар атааннаһыылара холуобунай дьыалаҕа тириэрдибит

ИДьМ Хаҥаластааҕы отделын дьуһуурунай чааһыгар  олохтоох дьахтартан сайабылыанньа киирбит.  Ол курдук дьахтар  баайын-дуолун алдьатаннар, 45 тыһ. солк. хоромньу тахсыбыт.

Полиция үлэһитэ быһаарбытынан, эмсэҕэлэччи эрдэ бииргэ олорор, урут сууттана сылдьыбыт  37 саастаах эр киһитин кытары айдаарсыбыт.  Күнүүлэһэннэр  дьахтардаах эр киһи улаханнык этиспиттэр. Ол кэмҥэ эр киһи дьахтар суотабай төлөпүөнүн былдьаан ылан муостаҕа бырахпыт. Онтута алдьаммыт. Сотору соҕус буолан баран тапталлаахтар эйэлэспиттэр, ол эрээри  бу кэннэ эмиэ айдаарсан турбуттар итиэннэ эр киһи эмсэҕэлээччи  тас аанын алдьаппыт. Онуоха дьахтар полицияҕа үҥсүбүт.

Билигин эр киһиэхэ РФ Холуобунай кодексын 167 ыст. 1 ч. («Умышленные уничтожение или повреждение имущества») холуобунай дьыала көбүтүллүбүт.