pxhere.com
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна чэпчэки сыворотканы айбыттар. Ол туһунан “Российская газета” суруйар.
Учуонайдары тирии эмсэҕэлээбит сиригэр түү үүнэрэ интэриэһиргэппит, ол иһин кутуйахтары бириэйдээн баран анал химическэй реагенынан экземаны киллэрбиттэр. 10 күнүнэн кутуйахтар эмсэҕэлээбит сирдэригэр саҥа түү үүнэн барбыт. Чинчийии көрдөрбүтүнэн раздражитель иммуннай килиэккэни күүһүрдэр эбит, олор сыа килиэккэлэринэн кислотаны таһаартаран түүнү үүннэрэллэр эбит.
Бу кэнниттэн учуонайдар химияны туһаммакка, тириини эмсэҕэлээбэккэ эрэ сыалаах кислоталарынан баттаҕы үүннэриэххэ сөп дуо диэн чинчийбиттэр. Сыалаах кислоталартан оҥорбут сывороткаларынан кутуйахтары соппуттар. Үс нэдиэлэнэн түүлэрэ өссө хойдон, бүтүннүү чөлүгэр түспүт. Ону көрөн бырайыак биир ааптара 21 күн устата сыворотканы буутугар сотто сылдьыбыт уонна түү быдан түргэнник үүнэрин бэлиэтээбит. Ол эбэтэр сыворотканы баттах фолликулаларын стволовай килиэккэлэрэ иҥэринэн, баттаҕы үүннэрэн бараллар эбит.
Учуонайдар билигин боруобалаан көрөөрү баҕалаах дьону көрдүүллэр. Өскөтө ситиһиилээхтик аастаҕына, эрэсиэбэ суох тараҕайы кыайар саҥа сириэстибэ баар буолууһу.
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…