Хаартыска: Мэҥэ Хаҥалас улууһун дьаһалтатын пресс-сулууспата
Бэҕэһээ тыа хаһаайыстыбатын кэпэрэтииптэрин өйүүргэ туһуламмыт өрөспүүбүлүкэ СӨ Тыатын хаһаайыстыбатын министиэристибэтин Гранын кыайыылаахтара ааттаннылар.
Уопсайа 13 сайаапка көрүллүбүтүттэн алта кыайыылаах иһигэр киирэн, Араҥас нэһилиэгиттэн, Петр Петров бэрэссэдээтэллээх “Тарат” кэпэрэтиип 20 мөлүйүөн солкуобай үбү хотон тутуутугар өйөбүл быһыытынан ылла диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Тэрилтэ 2021 сыллаахха тэриллибитэ, бүгүҥҥү күҥҥэ биэс үлэһиттээх, элбэҕи эрэннэрэр эдэр дьон түмсэн үлэлии-хамсыы сылдьаллар.
Кэпэрэтиип Мэҥэ Хаҥалас улууһугар үс сыллаах Тыа хаһаайыстыбатын сылынан олохтоммут граны кыайан, 65 төбө сүөһүнү атыыласпыт.
«Кэпэрэтиип ону тэҥэ нэһилиэнньэҕэ сүөһү көрүүтүгэр эмиэ өҥө оҥорор. Кэлэр сылга саҥа хотон туттан, хаһаайыстыба өссө кэҥиэ уонна сүрүн сорукпутун, нэһилиэнньэни төрүт аспытынан, этинэн, үүтүнэн хааччыйыыга тирэх тэрилтэнэн буолуо диэн эрэлбин биллэрэбин. Кэпэрэтиип бары үлэһиттэригэр чэгиэн буолууну, үлэҕитигэр ситиһиини, бигэ туругу баҕарабын!», — диэн Мэҥэ Хаҥалас улууһун баһылыга Дмитрий Тихонов санаатын эттэ.
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…