Хаартыска уонна видео -- Елена Потоцкая
Мэҥэ Хаҥалас улууһугар биллэриллибит үс сыллаах Тыа хаһаайыстыбатын сылларынан сибээстээн, араас кэскиллээх тосхоллор торумнанан, олоххо киирэллэр.
Олортон биирдэстэрэ — улуус Баһылыгын гранын куонкуруһа. Ааспыт нэдиэлэҕэ Араҥас, Баатара, 3-с Мэлдьэхси, Холгума, Хаптаҕай, Тараҕай, 1-кы Баатара, Хара, Дьаҥхаады нэһилиэктэриттэн уонна Майа сэлиэнньэтин хаһаайыстыбалара улуус социальнай-экэнэмиичэскэй сайдыытыгар туһуламмыт Баһылык гранын куонкуруһугар кэккэ кэскиллээх бырайыактары көмүскээтилэр. СӨ тыа хаһаайыстыбатын миниистирин бастакы солбуйааччы Анна Стручкова бэрэссэдээтэллээх куонкурус хамыыһыйата ирдэбилгэ толору эппиэттиир икки бырайыагы — Табаҕа уонна Араҥас нэһилиэктэрин хаһаайыстыбаларын биисинэс-былааннарын талла.
Ааспыт нэдиэлэ бүтүүтүгэр өрөспүүбүлүкэтээҕи Ытык Сүбэ салалтатын — бэрэссэдээтэл Люлия Григорьеваны уонна кини солбуйааччыта Иннокентий Аммосовы, улуустааҕы Ытык Сүбэ салайааччыта Зиновий Игнатьевы кытта Тарат нэһилиэгэр үлэни-хамнаһы билсэ сырыттыбт. Бу нэһилиэк докумуоҥҥа киирэр аата «Араҥас нэһилиэгин тыа сирин түөлбэтэ» диэн эбит. Түөлбэ баһылыга Андрей Кычкин уонна «Тарат» ТХПК салайааччыта Петр Петров биһигини көрсөөрү, куонкуруска бастакынан киирэн, бырайыактарын көмүскээн баран, айанната охсон, нэһилиэктэригэр төннөн кэлэн, үлэни-хамнаһы билиһиннэрэн барбыттара.
«Тарат» кэпэрэтиип бүгүҥҥү күҥҥэ олохтоохтортон 90-тан тахса ынаҕы ылан кыстатан туруорар. Сиһилии бу туһунан кэпэрэтиип салайааччыта Петр Петров маннык билиһиннэрдэ:
Хаһаайыстыба салалтатын былаана үгүс. Өссө биир маннык 100 төбө турар хотонун туттуохтаах. Салгыы бүгүҥҥү үлэ-хамнас, түбүк туһунан кэпэрэтиип салайааччыта Петр Петров бу курдук кэпсиир:
Билигин олохтоохтор сүөһүлэрин кыстата турар хотонноро ырааһа, киэҥэ сүрдээх. Тараттар сүөһүлэрин эрэ буолбакка, кустарын-хаастарын, кууруссаларын кытта туттараллар эбит.
«Тарат» ТХПК улуус Баһылыгын гранын куонкуруһугар эрэллээх кыайыытынан эҕэрдэлиибит, ситиһиилэрэ ити курдук сиэттиспитинэн кэлэн иһэллэригэр баҕарабыт!
Сиһилии бу хаһаайыстыба кэскиллээх бырайыагын «Тарат» кэпэрэтиип туһунан «Саха сирэ» хаһыат бээтинсэтээҕи нүөмэригэр ааҕыҥ.
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…