Тарбах уонна майгы

Уһуктаах тарбахтаах киһи, сүнньүнэн, сайдыбыт куттаах-сүрдээх, айар дьоҕурдаах.

Төгүрүк тарбахтаах киһи – дьыалабыай, эргиэмсик, практик.

Кылгас, суон тарбахтаах улахан ытыс – сүрэҕэ суох,  сэлээрчэх, тугу да баардыыла абат, улахаҥҥа уурбат майгы туоһута.

Ытыһа, тарбаҕа сөрү-сөп уурбут-туппут курдук буоллаҕына – үтүө санааны кэрэһилиир.

Тарбахтара чугас-чугас олорор буоллахтарына – үтүө майгыны, сэмэйи, санаабыты таска таһаарбат кэмчиэрийиини, өй-санаа олохтооҕун этэр.

Тарбахтара кэдирги барар, имигэс илии – киһи оҕурук майгылааҕын, сымсатын кэпсиир.

Ортоку тарбах улахан буоллаҕына – бу киһи былааһы таптыыр, атыттары соруйарын сөбүлүүр, кими да кытары аахсыбат.

Аата суох тарбах сөмүйэттэн улахан буоллаҕына – хаһаайын хайаан да бэйэтигэр сылаас-сымнаҕас сыһыаны эрэйэр.

Өскөтүн ылгын чыкыйа улахан буоллаҕына, бу киһи бэйэтин иннигэр улуу соругу туруорар.