Ааптар хаартыскаҕа түһэриитэ
Михаил Михайлович Гаврильев баһылыктаах Таркаайы нэһилиэгэр СӨ Бырабыыталыстыбатын 2024 сыллааҕы отчуотун истэ, санаа атастаһа саалаҕа толору дьон муһунна.
Олохтоохтор отчуот иннинэ өрөспүүбүлүкэ министиэристибэлэриттэн, сүрүн тэрилтэлэриттэн кэлбит салайааччылары кытары атах тэпсэн олорон, интэриэһиргиир боппуруостарыгар сүбэ-ама ыллылар. Ону сэргэ, оробуочай бөлөх састаабыгар киирсэн нэһилиэктэргэ тэҥҥэ сылдьыбыт улуустааҕы тэрилтэлэр сүрүн исписэлиистэрин сирэй көрүстүлэр. Тустаах ыйытыыларыгар хоруйдары ыллылар, сорох сорохтор наадалаах докумуоннарын туттаран эгди буоллулар.
Сааһын тухары учууталынан үлэлээбит Таркаайы 80 саастаах ытык кырдьаҕаһа билигин да оһоҕунан оттунан олороллоруттан хомойорун биллэрдэ. «Былырыын уонна ол иннинээҕи сылларга отчуот кэмигэр туруорсууларбыт төһө туолбуттарын эбэтэр ханнык түһүмэххэ тиийбиттэрин отчуокка иһитиннэрэр буолуҥ» , — диэн баҕа санаатын эттэ.
Оробуочай бөлөх салайааччыта, СӨ Бырабыыталыстыбатын бэрэссэдээтэлин солбуйааччы Георгий Степанов ытык кырдьаҕас этиитигэр сөбүлэһэрин биллэрдэ уонна кинилэр нэһилиэктэригэр сыһыаннаах үөрүүлээх сонуну иһитиннэрдэ. Ол курдук, олохтоохтор көрдөһүүлэринэн, балыыһаҕа 4 сытар куойка оннунан хаалларыллыбыт. Өссө биир саамай үөрүүлээх сонун — таркаайылар өр сылларга баҕарбыт баҕалара туолан, суһал көмө массыыната бэриллэр буолбут.
Таркаайы нэһилиэгэ күөх төлөҥҥө көһөр кыаҕа суоҕунан, уот төлөбүрүгэр ханнык эмэ чэпчэтии көрүллэригэр баҕаралларын, Меркурий бырагырааманан үлэлииргэ интэриниэт ситимэ мөлтөҕүн, сэлээркэ сыаната «бэйдиэ» барбытын этиннилэр.
Георгий Степанов отчуокка киирбит ыйытыылар, этиилэр бары боротокуолга киллэриллэн, биир да боппуруос болҕомто таһыгар хаалбатын бэлиэтээтэ.
Ааптар хаартыскаларга түһэриитэ
Күөл мэндээркэй ньуурун одуулуу биир аҕам саастаах киһи уһуннук олорбута. Сүрэҕин сүүдүтэр ыар санаа баттыга…
Олох хаамыытын батыһан, билигин дьиэни-уоту бэрт тупсаҕайдык уонна толору хааччыллыылаах оҥостор буоллулар. Дьэ маннык дьиэлэри…
СӨ ОДьКХ уонна энергетикатын миниистирэ Вячеслав Емельянов Аҕа дойду уоттаах сэриитигэр Улуу Кыайыы 80 сылынан…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүтүн Арассыыйатааҕы олимпиада түмүктүүр түһүмэҕэр (ВсОШ) Дьокуускайга дойду 80 эрэгийиэниттэн 300 кэриҥэ үөрэнээччи кыттыаҕа. Муус…
Быйыл тохсунньуттан Өлүөхүмэ улууһун Урицкай сэлиэнньэтин кулуубугар маскировочнай сиэккэни оҥорон саҕалаабыттар. Бу кылгас кэм иһигэр…