ТАСС былаһааккатыгар Ил Дархан Айсен Николаев пресс-кэмпириэнсийэтэ буолуоҕа

Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы социальнай-экэнэмиичэскэй түмүгэр уонна кэлэр сыллааҕы стратегическай соруктарыгар аналлаах пресс-кэмпириэнсийэтэ буолуоҕа.

Эрэгийиэн салайааччыта социальнай эйгэ уонна демография сайдыытын, сыыппара технологиятыгар уонна креативнай индустрияҕа ситиһии, Өлүөнэ муостатын тутуу, Хотугу муора пуордун бырайыагын киллэрэн туран тырааныспар, энэргиэтикэ инфраструктуратын саҥардыы, оҥоһуу өй, пилота суох авиация туһунан кэпсиэҕэ.

ТАСС 2025 сыл ахсынньы 24 күнүгэр Москва бириэмэтинэн 15:00 чааска диэри аккредитацияны ыытар.

Пресс-конференция икки көрүҥүнэн барар. Олоҕурбут көрүҥүнэн кыттарга press-center@tass.ru СМИ бланкатыгар корпоративнай буочтаттан суруналыыс толору аатын-суолун, дуоһунаһын, сибээстэһэр контактарын ыйан туран сурук ыытар ирдэнэр.

СМИ бэрэстэбиитэллэрэ Telegram сыһыарыы холбоно сылдьар тус мобильнай нүөмэрдэрин сурукка ыйан туран, ыраахтан кыттыахтарын сөп.

Бу туһунан СӨ официальнай иһитиннэрэр порталыгар суруйаллар. Сиһилии манна ааҕыҥ.