Федеральнай Сабантуйга сылдьыбыт дьон татаар ыалларын олохторун-дьаһахтарын билиһиннэрэр «дэриэбинэҕэ» сылдьан, араас маастар-кылаастары көрөн-истэн, бэрт элбэҕи биллилэр.
Бу бэртээхэй «дэриэбинэни» ыам ыйын 15 күнүгэр тутуу биригээдэтэ массыынанан аҕалан, поруомунан туоратан аҕалбыттара.
Комсомольскай болуоссакка тутулла турар саҥа дьиэлэр Сабантуйга тутуллан эрэллэрин көрө-көрө, бырааһынньыгы тэһийбэккэ кэтэһэн, күүтэн барбыппыт. Эрэлбит туолла — татаар омук ыалларын олоҕун кэпсиир, көрдөрөр быыстапка-дьиэлэр олох ураты көстүүнэн, бырааһынньык киэргэлинэн буоллулар.
Тутааччылар биригээдэлэрин салайааччылара (тиэхиньиичэскэй бөлөх) Олег Степанов уонна Анатолий Чернышев тутуу матырыйаалын КамАЗ массыынанан тиэйэн аҕалбыттар.
— 12 киһилээх тутуу биригээдэтэ 22 күн устата бу «дэриэбинэни» бэлэм бэрэбинэнэн таҥан бүтэрбитэ. Биһиги 15 сыл кэриҥэ дойду устун федеральнай сабантуйдары ыытыыга уопуттаахпыт. Тутуу матырыйаалын дойдубутугар Нижнекамскайга бэлэмнээн баран, тэрээһин ыытыллар сиригэр тиийэн таҥабыт. Онон бу үлэҕэ үөрүйэх дьоммут. Бу «татаар дэриэбинэтин» Саха сиригэр бэлэх гынан хаалларабыт, — диэн эттэ Олег Степанов.
Дьэ, Саха сиригэр бэртээхэй тутуу бэлэх буолан хаалла, доҕоттор!
Туймаада ыһыаҕар сылын ахсын ыытыллар саамай сүрүн күрэхтэһиитэ буолара 13 хонук хаалла. 16 саха эр…
Бэс ыйа үгэс быһыытынан суол бырабыылатыгар саҥа уларыйыыларынан саҕаланар. Суоппардарга анаан ханнык саҥа быраабылалар олоххо…
Ааспыт сууккаҕа Саха сиригэр уопсайа 1 449,5 гектар иэннээх үс ойуур баһаарын умулларбыттар, диэн СӨ…
— “Дальневосточнай гектар” ылыахпын баҕарабын. Каартаҕа эҥин ылар сиргин бэйэҥ талыахтааххын дииллэр. Ону ыарырҕатар курдукпун. Ким…
Кэнники кэмҥэ тыа сиригэр саха ынаҕын иитиинэн дьарыктанар буоллулар. Ол курдук, Мэҥэ Хаҥалас улууһугар Хаатылыма…
Дьэ, сайын кэллэ, айылҕаҕа сылдьар, сынньанар кэм үүннэ. Ол эрээри, бу кэрэ кэмнэри араас үөн-күөйүүр…