Татар-информ
Татарстан Өрөспүүбүлүкэтигэр Казань куоракка олунньу 21 күнүттэн “Кэлэр көлүөнэ оонньуута” успуорт төрүт көрүҥнэригэр уонна киберспортка норуоттар икки ардыларынааҕы турнир саҕаланна. Турнир икки нэдиэлэ устата салҕанан барыаҕа.
Күрэхтэһии биир уратытынан манна успуорт төрүт көрүҥнэрин таһынан кыттааччылар киберспортка, робототехникаҕа, информационнай технологияҕа, искусственнай интеллеккэ күөн көрсүһүөхтэрэ. Бу күрэхтэһии аан дойдуга бастакы турнир буолар. Күрэхтэһиини ыытыы туһунан өссө 2021 сыллаахха Татарстаҥҥа ыытыллыбыт “Арассыыйа – спортивнай держава” диэн пуорум кэмигэр этиллибитэ. Арассыыйа 19 эрэгийиэнэ бу күрэхтэһиигэ кыттарга бэлэмнэрин туһунан биллэрэннэр, 2022 сыллаахха РФ бэрэсидьиэнэ Владимир Путин күрэхтэһиини быйыл Татарстаҥҥа ыытар туһунан анал ыйааҕа тахсыбыта.
“ТАСС” информационнай агентство иһитиннэрэринэн, күрэхтэһиини ыытыыга федерация бүддьүөтүттэн 5,2 миллиард солкуобай көрүллүбүт. 2023 сыллаахха функциональнай-цифровой спорт (фиджитал-спорт) Арассыыйаҕа спорт көрүҥүн быһыытынан билиниллибитэ.
Турнирга барыта 107 дойдуттан 277 хамаанда кытта кэллэ. Күрэхтэһээччилэр ахсааннара икки тыһыынчаттан тахса. Күрэхтэһии кэмигэр отут дойдуттан икки тыһыынчаттан тахса волонтер үлэлии сылдьар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…