Тааттаҕа 3 саастаах оҕону матасыыкылынан түҥнэри көттүлэр

Ааспыт сууккаҕа Саха сиригэр алта буруйу оҥоруу бэлиэтэннэ диэн СӨ дьуһуурунай борокуруора иһитиннэрэр.

Горнай уонна Өлүөхүмэ улуустарыгар киһи доруобуйатын улаханнык эчэттилэр. Быһылааннар тула бэрэбиэркэ ыытыллар.

Дьокуускай икки олохтооҕо түөкүттэр угаайыларыгар киирэн биэрдэ. Хоромньу уопсай суумата — 500 тыһ. солк. Итиэннэ киин куоракка наркотигынан эргиммиттэрэ билиннэ. Суукка иһигэр тоҕус итирик туруктаах суоппары туттулар.

Таатта улууһугар матасыыкылынан оҕону түҥнэри көттүлэр. Оҕону оройоуннааҕы балыыһаҕа киллэрдилэр. Эрдэ иһитиннэрбиттэриэнэн, Харбалаахха үс саастаах оҕону түҥнэри көппүттэрэ. Оҕо куомаҕа киирбит. Буруйдаах быһылаан миэстэтиттэн куоппут.