Татуировкатыттан сылтаан өлөрбүт

СӨ Силиэстийэлиир кэмитиэтин Нерюнгри куораттааҕы отдела РФ Холуобунай кодексын 105 ыст. 1 ч. 37 саастаах эр киһиэхэ холуобунай дьыала тэрийдэ.

Силиэстийэ чахчыларынан, 2025 сыл балаҕан ыйын 20 күнүгэр уорбаланааччы билэр киһитин кытары Хани сэл. вагон-бытовкаҕа  арыгылаабыттар.

Ол олорон буруйданааччы    эмсэҕэлээччи  татуировкатыттан иҥнэн кыыһыран, айдаарсан  турбут уонна хаста даҕаны быһаҕынан анньыбыт. Эр киһи ылбыт эчэйиититтэн өлбүт.

Билигин эр киһини тутан хаайдылар.

Холуобунай дьыаланан силиэстийэ ыытыллар.