Ньурба улууһун дьоно-сэргэтэ, тэрилтэлэрэ байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр үлэҕэ көхтөөхтүк кытта, тус кылааттарын киллэрсэ сылдьаллар.
Байыаннай эпэрээссийэ кыттыылаахтарын улуустааҕы пуондатын салайааччыта Татьяна Николаевна Игнатьева кэпсииринэн, бу хайысхаҕа көмөҕө анаан пуондаҕа балачча үп киирбит.
— Муус устар 24 күнүнээҕи туругунан байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр улуус пуондатыгар сыл саҕаланыаҕыттан ыла 1618952 солк. үп хомуллан киирбитэ. Үп-харчы араас көрүҥ тэрилтэлэртэн, урбаанньыттартан, биирдиилээн дьонтон эрэ буолбакка, аһымал тэрээһиннэртэн кытта киирэ турар.
Оттон бу пуондабыт тэриллиэҕиттэн ыла 4729382 солк. киирдэ. Мантан 3682482 солк. туһааннаах сыалынан туттулунна, ол иһигэр, пикап, 3 квадрокоптер, 15 радиостанция, 3 тепловизионнай прицел, 12 аккумулятор, аармыйа таҥаһа, онтон да атын байыаннай усулуобуйаҕа наадалаах мал-сал ылыллан, буойуттарбытыгар ыытыллыбыта, кинилэр дьиэ кэргэттэригэр матырыйаалынай көмө оҥоһуллубута.
Дойду үрдүнэн бара турар маннык үлэлэргэ Ньурба улууһун дьоно-сэргэтэ уолаттарбыт этэҥҥэ эргиллэн кэлэллэрин туһугар диэн санаанан салайтаран, көхтөөхтүк, ис сүрэҕиттэн кыттар.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…