Хаартыска Миирнэй ойуурун хаһаайыстыбатыттан
Саха сирин үрдүнэн уопсайа 159 ойуур баһаара баар, 865 тыһ. га тахса иэннээх 11 ойуур баһаара ураты хонтуруолга тутуллар. Суукка иһигэр ыксаллаах быһыы-майгы бөлөҕө 101 киһинэн элбээтэ. Кутана, Дабаан уонна Быракаан сэлиэнньэлэрин аттыгар уот чугаһаан эбии Арассыыйа ЫБММ үлэһиттэрэ үлэлииллэр.
Бүгүн Үөһээ Бүлүү, Мииринэй улуустарыгар баһаар турбут сиригэр салгын суудуната үлэлээтэ.
Бу сарсыарда Миирнэй улууһугар икки баһаар Чернышевскай бөһүөлэгиттэн 174 км тэйиччи уонна Светлэй бөһүөлэгиттэн 20 км турбут баһаардар бохсулуннулар, биир кыайтара илик.
Миирнэйдээҕи ойуур хаһаайыстыбатын салайааччыта Татьяна Каленюк улууска баһаар балаһыанньатын маннык кэпсиир:
— Бүгүҥҥү туругунан Мииринэй куоракка баһаар нэһилиэнньэлээх пууннарга кутталы үөскэппэт, балаһыанньа хонтуруолга тутуллар. «Авиалесоохрана» тэрилтэ салгынынан ойууру кэтээн көрөр. Чернышевскай бөһүөлэгиттэн 70 км сиргэ турбут баһаары умуруоруу салҕанар. Бу баһаары уопсайа 21 киһи, Мииринэйдээҕи ойуур хаһаайыстыбатын, «Якутлесресурс» Сунтаардааҕы салаатын, СӨ баһаарынай сулууспатын үлэһиттэрэ умуруора сылдьаллар. Биһиги Мииринэй олохтоохторун баһаары умуруорууга көмөлөһөллөрүгэр ыҥырабыт. «Якутлесресурс» тэрилтэ дуогабар быһыытынан төлүүр. Ким көмөлөһүөн баҕалаах Мииринэй куорат, Звезднай, уул. 6, куорп. А (Ойуур хаһаайыстыбатын дьиэтэ), +7 914 25 82 344 төлөпүөнүнэн билсэргитигэр ыҥырабыт.
Бүгүн, от ыйын 31 күнүгэр, Саха сирин сорох улуустарыгар этиҥнээх ардах түһэрэ, +32 кыраадыска тиийэ…
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…