Хаартыска: Нам улууһун дьаһалтатын пресс-сулууспата
Бүгүн, алтынньы 15 күнүгэр, Т.К. Ядрихинская аатынан Намнааҕы социальнай-геронтологическай кииҥҥэ Татьяна Кондратьевна мемориальнай дуоскатын үөрүүлээх арыллыыта ыытылынна.
Тэрээһиҥҥэ социальнай-геронтологическай киин үлэһиттэрэ, иитиллээччилэрэ, Татьяна Кондратьевна аймахтара муһуннулар. Улуус дьокутааттарын Сэбиэтин бэрэссэдээтэлэ Алексей Винокуров, улуус баһылыгын социальнай боппуруостарга солбуйааччы Егор Протопопов, улуус бэтээрээннэрин Сэбиэтин бэрэссэдээтэлэ Софья Кобякова, Намнааҕы социальнай-геронтологическай киин диириэктэрэ Инна Сивцева, Татьяна Ядрихинская аймаҕа, үлэ бэтэрээнэ Эльза Максимова тыл эттилэр.
Салгыы киин иһигэр киирэн Татьяна Кондратьевнаҕа анаммыт истиэндэни көрдүлэр, киин үлэтин-хамнаһын билсэн экскурсиялаатылар. Татьяна Кондратьевна олорбут олоҕо, кытаанах санаалаах, сынтарыйбат дьулуурдаах майгыта барыбытыгар холобур буолар. Бу кииҥҥэ кини уот сэриигэ сүтэрбит дьүөгэтэ Таня Монастырева аатынан уулусса кэлэр. Онон, дьүөгэлиилэр ааттара-суоллара тэҥник үйэтитиллэрэ хайҕабыллаах суол. Бу туһунан Нам улууһун дьаһалтатын пресс-сулууспата суруйар.
Бэлиэтиир буоллахха, Намнааҕы социальнай-геронтологическай киин былырыын саҥа дьиэҕэ киирбитэ. СӨ Бырабыыталыстыбатын 1216-р №-дээх дьаһалынан бу кииҥҥэ Аҕа дойду Улуу сэриитин уонна Ленинград блокадатын кыттыылааҕа, Нам улууһун Бочуоттаах гражданина Ядрихинская Татьяна Кондратьевна аата иҥэриллибитэ. Устуоруйаны сэгэттэххэ, Аҕа дойду сэриитин кэмигэр блокада 1941 сыл балаҕан ыйын 8 күнүттэн саҕалаан барыта 872 түүннээх хонук устата буолбута. Нам улууһуттан Ленинградтааҕы Островскай аатынан театральнай институкка үөрэнэ сылдьар Татьяна Кондратьевна Ядрихинская уонна Татьяна Матвеевна Монастырева блокадаҕа түбэһэн, өстөөх атааннааһынын эттэринэн-хааннарынан билбиттэрэ. Хомойуох иһин, Татьяна Монастырева дойдутугар төннүбэтэҕэ. Татьяна Ядрихинская дойдутугар төннөн, алын сүһүөх оскуолаҕа сэбиэдиссэйинэн, бибилэтиэкэ сэбиэдиссэйинэн эҥкилэ суох үлэлээбитэ. Көхтөөх уопсастыбанньык быһыытынан биллэрэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…