Татьяна Павлова доруобуйа харыстабылын миниистирин солбуйааччынан ананна

От ыйын 5  күнүгэр Ил Дархан Айсен Николаев Татьяна Юрьевна Павлованы доруобуйа харыстабылын миниистирин солбуйааччынан аныыр туһунан ыйаахха илии баттаата.

Татьяна Павлова СГУ  мединститутун уонна  СӨ бэрэсидьиэнин иһинэн Салайыы институтун бүтэрбитэ.

“Акушерство уонна гинекология” идэтигэр стажировкатын бүтэрэн баран, үлэтин Уус Маайа оройуонун киин  балыыһатыгар төрүүр дьиэ салайааччытынан, учаастак акушер-гинекологынан саҕалаабыта.

Дьокуускайдааҕы килиньиичэскэй балыыһа хат дьахталлар патологияларын отделениетыгар акушер-гинекологынан, ХИФУ мединститутун акушерствоҕа, гинекологияҕа хаапыдыратын доценынан, өрөспүүбүлүкэтээҕи 1 №-дээх балыыһаҕа – М.Е. Николаев аатынан Национальнай кииҥҥэ үлэлээбитэ.

2010-2018 сылларга доруобуйа харыстабылын министиэристибэтин кылаабынай акушер-гинеколога этэ. 2018 сылтан Перинатальнай киин дириэктэринэн үлэлээбитэ.