«Татыйыына» фирма ууну ыраастыыр станцияны үлэлэтэр
![](https://sakha-sire.ru/wp-content/uploads/2023/07/screenshot_20230722-215807_telegram-1060x596.jpg)
Сунтаар улууһугар олохтоох бородууксуйанан хааччыллыыны «Татыйыына» хампаанньата 75%-ҥа тиэртэ.
Билигин 100 % хабар соруктаах үлэни ыыталлар. Кинилэр килиэп араас көрүҥүн, бурдук аһы астыыр кондитерскай сыаҕы үлэлэтэллэр. Ону таһынан, бэйэлэрэ тыа хаһаайыстыбатынан
дьарыктанан олохтоох эт, үүт бородууксуйатын оҥорон таһаараллар. Сэргии истибитим диэн кэлиҥҥи кэмҥэ сибиэһэйдии тоҥмут балыгы кэнсиэрбэлиир буоллулар.
Кинилэр бу астарын Сунтаарга эрэ буолбакка Мииринэйгэ, Ньурбаҕа атыыга таһаараллар.
Сунтаар улууһун Мохсоҕоллоох күөлүн уутун ыраастаан нэһилиэнньэни иҥэмтиэлээх ыраас уунан хааччыйаллар. Күҥҥэ ортотунан 8 туонна ууну ыраастыыр кыамталаах станцияҕа билигин 1,6 тонна ууну куталлар. Кэлин улаатыннарар былааннаахтар.
Ыраастаммыт ууну «Татыйыына» бары маҕаһыыннарыттан атыылаһыахха сөп.
Ньургуяна Харчасова, Сунтаар
Сообщить об опечатке
Текст, который будет отправлен нашим редакторам: