Тээнэ уонна Бэс Күөлэ түргэн тэтимнээх интэриниэттэннилэр

«Цифровой алмаас” федеральнай пуорум чэрчитинэн өссө биир үөрүүлээх тэрээһин буолла.

Өлүөхүмэ улууһугар Тээнэҕэ уонна Бэс Күөлүгэр оптоволокно лиинийэтэ холбонно.

Былырыын «Цифровой алмаас» иккис пуорумугар Саха Өрөспүүбүлүкэтэ уонна Нордголд көмүс хостуур хампаанньа
Өлүөхүмэ улууһун икки кытыы сэлиэнньэтигэр Тээнэҕэ уонна Бэс Күөлүгэр сибээс оптоволоконнай лиинийэтин киллэрэр туһунан дуогабар түһэрсибиттэр.

«Бэрт кылгас болдьох иһигэр хампаанньа эппит тылыгар туран, бу ыраах нэһилиэктэргэ интэриниэт киирдэ»,- диэн туран, Ил Дархан Айсен Николаев, олохтоохтору күүтүүлээх-кэтэһиилээх күннэринэн эҕэрдэлээтэ.

Мантан антах Тээнэ, Бэс Күөл олохтоохторо куйаар ситиминэн чугас дьоннорун кытта билсэр, олоҕу кытта тэҥҥэ хаамар кыахтаннылар.

Ааптар хаартыскаларга түһэриитэ