Тээнэҕэ түргэн интэриниэт киллэрилиннэ

Интэриниэт  түргэн ситимигэр холбоммут Өлүөхүмэ улууһун Тээнэ сэлиэнньэтин олохтооҕо, И.Н.Кульбертинов аатынан Тээнэ орто оскуолатын начаалынай кылааһын учуутала Инна Валерьевна Малышева үөрүүтүн маннык үллэһиннэ:

-Күүстээх интэриниэт киириэҕитттэн биһиги үлэбитигэр улахан көмө буолла. Ол курдук, билиибитин кэҥэтээри, уруоктарбытын интэриэһинэйдик ыытаары араас куурустарга, онлайн-сэминээрдэргэ кытынныбыт. Оҕолорбут олимпиадаларга, күрэхтэргэ кыттан элбэх ситиһиилэннилэр. Түргэн тэтимнээх уонна табыгастаах интэриниэт үөрэх эйгэтигэр тахсар тэрээһиннэри билэ олорорго көмөлөһөр.  Онон  биһиги улахан махталбытын  Нордголд уонна “АрктикТелеком” хампаанньаларга, Өлүөхүмэ улууһун уонна Тээнэ национальнай нэһилиэгин баһылыктарыгар махтанабыт.