Хаартыска: Мария Васильева, СИА.
Төрдүс уонна онтон кэлэр оҕо төрөөтөҕүнэ дьиэ кэргэттэр өрөспүүбүлүкэтээҕи Ийэ хапытаалын ылар кыахтаннылар. Олунньу 26 күнүгэр буолбут Ил Түмэн пленарнай мунньаҕар норуот дьокутааттара Ил Дархан көҕүлээһинин өйөөтүлэр.
«Элбэх көрсүһүүлэргэ элбэх оҕолоох төрөппүттэр төрдүс уонна онтон кэлэр оҕо төрөөтөҕүнэ, сударыстыбаттан чопчу көмө суох диэн боппуруоһу көтөҕөөччүлэр. Онон бу кыһалҕаны туоратарга быһаарыныы ылынныбыт. Төрдүс уонна онтон кэлэр оҕо төрөөтөҕүнэ, дьиэ кэргэттэр өрөспүүбүлүкэтээҕи Ийэ хапытаалын хат ылар кыахтаннылар, бүгүн Ил Түмэн бу боппуруоһу өйөөтө», — диэн Айсен Николаев эттэ.
Санатар буоллахха, өрөспүүбүлүкэтээҕи Ийэ хапытаалын суумата быйылгыттан икки төгүл үрдээн, 300 тыһыынча солкуобайга тэҥнэспитэ. Үһүс оҕо төрөөтөҕүнэ, эмиэ бэриллэр этэ. Билигин төрдүс, бэһис, алтыс, сэттис… оҕо төрөөтөҕүнэ, «Үйэ оҕолоро» өрөспүүбүлүкэтээҕи хапытаалы сэргэ, уопсай суумата 433 тыһыынча солкуобай бэриллэр буолла. Ол аата, хаһыс оҕо төрөөбүтүттэн тутулуга суох, саҥа төрөөбүт оҕо барыта ийэ хапытаалын ылар кыахтанна.
Өрөспүүбүлүкэтээҕи Ийэ хапытаалын дьайыытын кэҥэтэр туһунан Айсен Николаев Ил Түмэҥҥэ туһаайбыт Анал этиитигэр, кылгас кэм иһигэр боппуруоһу быһааралларыгар эппитэ.
Бүгүн Саха сирин доруобуйатын харыстабылын устуоруйатыгар аан бастакытын Горнай улууһун оройуоннааҕы киин балыыһатыгар тобук сүһүөҕэр…
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна…
СӨ бырабыыталыстыбатын бэрэссэдээтэлин бастакы солбуйааччыта Дмитрий Садовников мунньахха икки бөдөҥ социальнай эбийиэк тутуута хайдах бара…
Орой -- киһи саамай үрдүк сирэ. Айыы үөрэҕинэн, орой итэҕэл киэлитэ буолар. Манна ытык эт…
"Цифровой быһаарыылар" сыл сүрүн IT-пуорумугар 4000-тан тахса киһи суруйтарда. Пуорум сэтинньи 12-15 күннэригэр «Арассыыйа» национальнай…
Бу күннэргэ Өймөкөөн улууһун нэһилиэктэригэр бэйэ көҕүлээһинин бырагырааматын чэрчитинэн уопсай мунньаҕынан олоҕу-дьаһаҕы тупсарыыга туһуламмыт бырайыактары…