Төһө SIM-каарталааххын хайдах билиэххэ сөбүй?

Сэтинньи 1 күнүттэн Арассыыйаҕа биир киһи суотабай бары оператордарыгар 20-тэн тахса SIM-каарталанара  көҥүллэммэт буолуоҕа. SIM-каарталары регистрациялааһын саҥа быраабылалара  № 303-ФЗ Федеральнай сокуоҥҥа уларытыыларга (2024 с. атырдьах ыйын 8 күнүнээҕи) киллэриллибиттэр.

«Өскөтүн лимиити таһынан таҕыстаҕына, суобатай  сибээс оператордара салгыы сибээһи хааччыйар бырааптара  суох”, — диэн  «Вестник Киберполиции России» Telegram-ханаалыгар этиллэр.

Биир киһиэхэ хас SIM-каарта регистрацияламмытын “Судаарыстыбаннай өҥөлөр” портал нөҥүө билиэххэ сөп. Онуоха «SIM-каарталар» түһүмэххэ киирдэххэ, гражданин паспорынан оҥоһуллубут  нүөмэрдэр испииһэктэрэ тахсан кэлэр.

Билбэт нүөмэрдэргит баар буоллахтарына, эспиэрдэр ону суох гынарга сүбэлииллэр. Онуоха эмиэ “Судаарыстыбаннай өҥөлөр” нөҥүө эбэтэр сибээс солуонугар барыахха сөп.  Төһө SIM-каарта регистрацияламмытын билэргэ оператор сулууспатыгар эрийиэххэ эбэтэр паспоргын илдьэ офиска барыахха сөп.