“Төхтүр” хайыһар баазатыгар диэри сынньалаҥ күннэргэ оптуобус сылдьыаҕа

201-с нүөмэрдээх (Дьокуускай – Покровскай — Мохсоҕоллоох) олохсуйбут маршрутугар, 2023 сыл кулун тутар 11 күнүттэн муус устар 2 күнүгэр диэри сынньалаҥ күннэрдээҕи Оптуобус вокзала (Дьокуускай к.) – “Төхтүр” хайыһар баазата – Орто Дойду маршрутунан быстах кэмнээх рейс сылдьыаҕа.

Айан төлөбүрэ автовокзалтан “Төхтүр” хайыһар баазатыгар диэри 106 солк., автовокзалтан Орто Дойдуга диэри 126 солк. тэҥнэһэр. Билиэти оптуобус суоппарыттан, ону тэҥэ, автовокзал саайтыттан уонна каассатыттан атыылаһыахха сөп.

Оптуобус кулун тутар 11, 12, 18, 19, 25, 26, муус устар 1, 2 күннэригэр сылдьар. Дьокуускайдааҕы оптуобус вокзалыттан сарсыарда 10:30 чааска, Орто Дойдуттан 17:00 чааска, “Төхтүр” хайыһар баазатыттан 17:10 чааска араҕар.

Бу туһунан “ЯПАК” тэрилтэҕэ сигэнэн Якутск.РФ саайтка суруллар. Сиһилии манна ааҕыҥ.