Төхтүргэ 9 саастаах уол бэтэрээннэргэ анаммыт пааматынньыгы алдьаппыт

Социальнай ситимнэринэн Төхтүргэ бэтэрээннэргэ анаммыт пааматынньыгы алдьаппыттарын туһунан иһитиннэрии тарҕаммыт.

Полиция үлэһиттэрэ буруйу оҥорууга 9 саастаах оскуола оҕото буоларын быһаарбыттар. Бу туһунан Саха сиринээҕи ИДьМ пресс-сулууспата иһитиннэрэр.

Сокуоннай бэрэстэбиитэл уонна социальнай педагог ортолоругар уол оҕо доҕотторун кытары күүлэйдии сылдьан, пааматынньык суолтатын билбэккэ эрэ, мэтириэттэргэ баллон кырааскатын ыстарбытын билиммит.

Сокуоннай сааһын ситэ илик оҕо төрөппүтэ административнай эппиэтинэскэ тардылынна. Оҕо профилактическай учуокка туруорулунна, матырыйаалы силиэстийэлиир уорганнарга ыыттылар.