Төхтүргэ пааматынньыгы хара кыраасканан ыстарбыт уол оҕо төрөппүтэ административнай эппиэтинэскэ тардылынна

СӨ Борокуратууратын сорудаҕынан Мэҥэ Хаҥалас улууһун борокуратуурата социальнай ситимнэринэн тарҕаммыт Төхтүргэ пааматынньыгы хара кыраасканан ыстарбыттарын туһунан иһитиннэриини бэрэбиэркээлэбит.

Борокуратуурата быһаарыытынан, 2025 төрүөх уол оҕо атын оҕолору кытар сылдьан, Аҕа дойду Улуу сэриитин кыттыылаахтарын мэтиэриэттэрин керамическай билиитэлэрин хара кыраасканан ыстарбыт, диэн СӨ Борокуратууратын пресс-сулууспата суруйар.

Борокуруор сокуоннай саастарын ситэ илик оҕолор буруйу оҥорууларын сэрэтиигэ сөптөөх үлэни ыытыыга И.М. Романов аатынан Төхтүр орто оскуолатын дириэктэригэр сэрэтии түһэрбит. Уол оҕо төрөппүтэ административнай эппиэтинэскэ тардылынна. Оҕо төрөппүттэрэ саҥа керамическай билиитэлэри  төлөөтүлэр. Пааматынньыгы ыам ыйын 7 күнүгэр чөлүгэр түһэрбиттэр.