Хаартыска: Мария Васильева (СИА), архыып.
Арассыыйа Бэрэсидьиэнэ Владимир Путин дойду туһанааччыларыгар туһаайыллар тэйиччиттэн угуйугу (онлайн-реклама) тарҕатааччылар кыбартаалга дохуоттарыттан 3% федеральнай хааһынаҕа ыыталларын эбээһинэстиир сокуоҥҥа илии баттаата. Бу туһунан ТАСС суруйар.
Манна олоҕуран, “Угуйук туһунан” (О рекламе) Сокуоҥҥа уларытыы киирэр. Докумуоҥҥа ыйылларынан, төлөбүрдэр кэлин электроннай вычислительнай массыына бас билээччилэрин бырагыраамаларын судаарыстыбаттан өйөөһүҥҥэ эбэтэр биир кэлим реестргэ киирбит база дааннайдарыгар туһаныллыан сөп диэн ыйаллар. Ону тэҥэ, РФ Бырабыыталыстыбата испииһэктиир информационнай кыахтары сайыннарыыга уонна үлэлэтиигэ биэриэхтэрин сөп. Маны таһынан, Бырабыыталыстыба туспа онлайн-ресурстарга тарҕанар иһитиннэриилэри угуйукка (рекламаҕа) киллэрэр испииһэги олохтуоҕа.
Ону кытта, Сокуон социальнай угуйук туһунан нуорманы чопчулуур. Билигин бу куйаар ситиминэн тарҕанар, ол иһигэр, саайтарга биллэрии, агрегатор-саайтарга угуйук сыллааҕы кээмэйиттэн 5% буолуо суохтаах. Оччотугар социальнай суолталаах угуйугу тарҕатыыга сөбүлэҥ түһэрсиллэрэ ирдэнэр.
Бу ыйыллыбыт нуормалар 2025 сыл кулун тутар 1 күнүттэн олоххо киириэхтэрэ диэн ТАСС суруйар.
Тохсунньу 3 күнүгэр Ньурба улууһун Чуукаар нэһилиэгин 70 саастаах дьахтар дьиэтиттэн тахсан, биллибэт хайысханан барбыт.…
Тохсунньу 24-25 күннэригэр Бүлүү улууһун Тыымпы сэлиэнньэтигэр Саха сирин алта төгүллээх, норуоттар спартакиадаларын икки төгүллээх…
Судаарыстыбаннай Дуумаҕа социальнай суолталаах табаардарга нолуок ыстаапкатын (НДС) 10%-тан 5%-ҥа диэри намтатар уонна ол табаардар…
РФ Бырабыыталыстыбата Судаарыстыбаннай Дуума көрүүтүгэр байыаннай сулууспалаахтар уонна Ис дьыала уорганнарын үлэһиттэрин сорох категорияларыгар булгуччулаах…
Ааспыт нэдиэлэҕэ Дьокуускай куоракка Суорун Омоллоон аатынан опера уонна балет тыйаатырыгар сунтаардар улуу киһибит Сэргэй…
Тохсунньу 21 күнүгэр Ленскэй оройуонун суута олохтоох дьахтар бириигэбэрин таһаарда. Кини РФ Холуобунай кодексатын (ХК)…