Тэлэбиисэр, массыына, харчы уорбуттар

Ааспыт сууккаҕа Саха сиригэр сэттэ буруйу оҥоруу бэлиэтэммитин туһунан СӨ Борокуратуурата иһитиннэрэр.

Хаҥалас оройуонун олохтооҕо дьахтар түөкүттэргэ 140 тыһ.солк. албыннаппыт, Мииринэй оройуонун олохтооҕо баанын счетуттан 220 тыһ.солк. суйдаппыт.

Удачнай куоракка массыынаны уорбуттар,  Хаҥаласка суоппар быраабын сымыйанан оҥорбуттара биллибит.

Ленскэй оройуонугар даачаттан инструменнары уонна тэлэбиисэри уорбуттар.

Дьокуускайга 1950 с.т. сатыы сылдьар киһини түҥнэри көппүттэр, бу киһини госпитализациялаабыттар.

Киһи өлүүлээх суол саахала бэлиэтэммэтэх.

Суукка иһигэр итирик туруктаах 14 суоппары туппуттар.