Төлөбүр тутуллар дуо?

Быстах хомуур тохтотуллубутун да иһин, ыйытыылар киирэллэр.

— Хомуурга сылдьар кэмигэр байыаннай сулууспалаахха  каартаны хааччыйыы иһин баан төлөбүрү ылар дуо?

Онуоха “Объясняем. рф” хоруйун таһаарабыт:

— Өскөтүн бааҥҥа төлүүр иэстээх киһи “кирэдьиит каникулун” ылбыт буоллаҕына, кирэдьиит каартатын хааччыйыыга төлөбүр тутуллубат. Бу кэмҥэ киниэхэ кирэдьиит каартатыттан харчыны устуута өҥө оҥоһуллубатынан тохтуон сөп. Үп-харчы тэрилтэтэ төлөбүрү тутарга туох да төрүөтэ суох.

Дебетовай каартаны хааччыйыы төлөбүрүн ылыахтарын сөп – бу бааны кытта чопчу дуогабар усулуобуйатыттан  тутулуктаах.

Хаартыска: тустаах саайтан