Телеграм түөкүттэриттэн хайдах көмүскэнэбит?

Телеграмҥа түөкүннээһин саҥа көрүҥэ тарҕанан эрэр. Саҥа схема маннык үлэлиир:

Бастаан төлөпүөҥҥүтүгэр телеграмынан бигэргэтиллибит кодтардаах уонунан SMS тоҕо анньан кэлиэ.

Ол кэнниттэн «Telegram Security Messenger» диэн эбэтэр манныкка майгынныыр ааттаах ким эрэ телеграмҥар суруйуо: “Ким эрэ эн аккауҥҥун алдьата сатыыр, ол иһин суһаллык көмүскэнэр туһугар бу сигэнэн киирэ оҕус”, — диэн баран сигэ ыытыахтара.

Бу албын! Ханнык да сигэнэн ханна да кииримэҥ.

Түөкүттэр элбэх куоды эмискэ ыытан соруйан уолуталлар, үгүһү-элбэҕи толкуйдаабакка кинилэр эппиттэрин оҥорторо сатыыллар. Сигэнэн киирдиҥ да, фишинговай саайтка түбэһиэххин уонна түөкүттэргэ аккауҥҥун аһан биэриэххин сөп.