Төлөпүөн түөкүннэриттэн сэрэхтээх буолуохха!
![](https://sakha-sire.ru/wp-content/uploads/2024/07/1261e25e-7c32-4f2b-a2a5-62e0e8c35951-1060x596.jpg)
Тɵлɵпүɵн түɵкүннэрэ күннэтэ элбии тураллар. Кинилэр угаайыларыгар киирэн биэрээччилэр эмиэ үгүстэр. Аҥардас Сунтаар улууһугар быйылгы кɵрдɵрүүнэн уон үс киһи түбэһэн уон үс мɵлүйүɵнү сүтэрбит. Ити ɵссɵ биллэринэн.
Билигин үгүс дьон билбэт нүɵмэрдэрин ылбат буола сатыыллар, ол эрээри сорох туруубканы кɵтɵҕɵн, түɵкүннэр ылыннарыылаах тылларыгар киирэн биэрэн, мɵлүйүɵнүнэн харчыны атын киһи хармааныгар ыыппыттара эрэ баар буолар. Аны социальнай ситимнэрин илдьитинэн билэр киһиҥ аккаунун алдьатан киниттэн кɵмɵ кɵрдɵɵн эрэйдиир, түɵкүттэр саҥа ньымалара элбии тураллара кыһыылаах.
![](https://sakha-sire.ru/wp-content/uploads/2024/07/e331a9b5-023b-4139-8047-cda1ef2a44ec.jpg)
![](https://sakha-sire.ru/wp-content/uploads/2024/07/9d11150d-e35b-4a46-bcc0-65815a9ffd93.jpg)
![](https://sakha-sire.ru/wp-content/uploads/2024/07/f455db31-eddf-4a40-82b1-daf66cb6cd2d.jpg)
![](https://sakha-sire.ru/wp-content/uploads/2024/07/01d8265c-ea7b-484e-aa06-082f08e88b15.jpg)
![](https://sakha-sire.ru/wp-content/uploads/2024/07/b16cbbc1-6a63-4325-88dc-9a97b3377084.jpg)
![](https://sakha-sire.ru/wp-content/uploads/2024/07/708ebbe9-6309-483d-a952-8510bc706f11.jpg)
Сунтаар Ис Дьыалатын отделын участковайа Степан Константинов этэринэн: «Түɵкүннэр аны салайааччылар ааттарыттан кытта суруйан, биллэн албынныыр буолбуттар уонна социальнай ситимнэр илдьитинэн билэр киһигиттэн «кɵмɵлɵс» диэн илдьит ыытан киирэн биэрбиттэр элбэхтэр», — диир.
Полиция үлэһиттэрэ тɵлɵпүɵн түɵкүннэрин кытта үлэни күннэтэ ыыталлар. Угаайыкка киирбит дьон харчытын тɵнүннэрэр сыаллаах Красноярскайга, Воронежка, Иркутскайга, Новгородскай уобаласка тиийэ ирдэспит түгэннэрэ бааллар.
Билигин өрөспүүбүлүкэ үрдүнэн элбэх полиция үлэһитэ ирдэнэр. Кэлэр сылтан бу эйгэ үлэһиттэрин хамнаһа биллэ үрдүɵхтээх, ону таһынан элбэх социальнай кɵмɵлɵр кɵрүллүɵхтэрэ диэн этэллэр. Онон үлэлиэн баҕалаахтар кытаатыҥ!
Тускулаана ГОРОХОВА-КОБЕЛЬЯНОВА
Сообщить об опечатке
Текст, который будет отправлен нашим редакторам: