Хаартыска: ааптар тиксэриитэ
Тɵлɵпүɵн түɵкүннэрэ күннэтэ элбии тураллар. Кинилэр угаайыларыгар киирэн биэрээччилэр эмиэ үгүстэр. Аҥардас Сунтаар улууһугар быйылгы кɵрдɵрүүнэн уон үс киһи түбэһэн уон үс мɵлүйүɵнү сүтэрбит. Ити ɵссɵ биллэринэн.
Билигин үгүс дьон билбэт нүɵмэрдэрин ылбат буола сатыыллар, ол эрээри сорох туруубканы кɵтɵҕɵн, түɵкүннэр ылыннарыылаах тылларыгар киирэн биэрэн, мɵлүйүɵнүнэн харчыны атын киһи хармааныгар ыыппыттара эрэ баар буолар. Аны социальнай ситимнэрин илдьитинэн билэр киһиҥ аккаунун алдьатан киниттэн кɵмɵ кɵрдɵɵн эрэйдиир, түɵкүттэр саҥа ньымалара элбии тураллара кыһыылаах.
Сунтаар Ис Дьыалатын отделын участковайа Степан Константинов этэринэн: «Түɵкүннэр аны салайааччылар ааттарыттан кытта суруйан, биллэн албынныыр буолбуттар уонна социальнай ситимнэр илдьитинэн билэр киһигиттэн «кɵмɵлɵс» диэн илдьит ыытан киирэн биэрбиттэр элбэхтэр», — диир.
Полиция үлэһиттэрэ тɵлɵпүɵн түɵкүннэрин кытта үлэни күннэтэ ыыталлар. Угаайыкка киирбит дьон харчытын тɵнүннэрэр сыаллаах Красноярскайга, Воронежка, Иркутскайга, Новгородскай уобаласка тиийэ ирдэспит түгэннэрэ бааллар.
Билигин өрөспүүбүлүкэ үрдүнэн элбэх полиция үлэһитэ ирдэнэр. Кэлэр сылтан бу эйгэ үлэһиттэрин хамнаһа биллэ үрдүɵхтээх, ону таһынан элбэх социальнай кɵмɵлɵр кɵрүллүɵхтэрэ диэн этэллэр. Онон үлэлиэн баҕалаахтар кытаатыҥ!
Тускулаана ГОРОХОВА-КОБЕЛЬЯНОВА
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…