Хаартыска СИА.
Төһө даҕаны күн аайы суруйдарбыт, сэрэттэрбит, өрөспүүбүлүкэ олохтоохторо ыраахтан олорон төлөпүөнүнэн эрийэн албынныыр түөкүттэргэ син биир киирэн биэрэллэр.
Ол туһунан СӨ ИДьМ пресс-сулууспата иһитиннэрэр.
Муус устар 26 күнүгэр полиция дьуһуурунай чааһыгар Удачнай куоракка бырамыысыланнай тэрилтэҕэ үлэлиир, 40 саастаах Иркутскай уобаластан төрүттээх дьахтар үҥсүү киллэрбит. Киниэхэ бассаап нөҥүө биллибэт, ВТБ баан логотиптаах уруһуйдаах нүөмэртэн төлөпүөннээбиттэрин ылан кэпсэппит. Сымыйа баан үлэһитэ уонна сымыйа полиция үлэһитэ дьахтары кини аатыгар кирэдьиит ылаары докумуон толоро сатыылларын туһунан эппиттэр. Бу дьон докумуону толоро иликтэринэ төһө кыалларынан улахан суумаҕа «утары кирэдьииттэ» ыл диэн итэҕэппиттэр. Дьахтар 2,7 мөлүйүөн солкуобайдаах кирэдьиит оҥотторон баран, онтун бүтүннүү баантан баран устубут. Кини 13 төгүл 200-түү тыһыынчанан уонна биирдэ 100 тыһыынчанан төхтүрүйэн устубут. Бу харчытын олоччу түөкүттэр эппит счеттарыгар түргэн үлүгэрдик ыытан кэбиспит. Дьэ, кыһалҕа диэтэҕиҥ, итиччэ улахан сууманы хаста да төхтүрүйэн устуохха, онтон ыытыахха наада дии.
Бу күн 36 саастаах судаарыстыбаннай сулууспалаах киһи аны 1 мөлүйүөн 138 тыһыынча солкуобайын эмиэ түөкүттэргэ албыннаппытын туһунан сайабылыанньа суруйбут.
Ааспыт икки күн иһигэр төлөпүөн нөҥүө түөкүннээһиҥҥэ өрөспүүбүлкэ 14 олохтооҕо түбэһэн, уопсайа 7 мөлүйүөн солкуобайдарыттан уордардылар. Түөкүттэргэ албыннаппыттар ортолоругар мэдиссиинэ үлэһиттэрэ, устудьуоннар, пенсионердар, оробуочайдар, учууталлар уонна научнай үлэһит бааллар. Кинилэр саастара 22-н 84-гэр диэри.
Манан ылан көрдөххө, Саха сирин олохтоохторо күн аайы төлөпүөнүнэн түөкүннээһиҥҥэ түбэһэллэр. Онон өйдүөххүтүн наада, 5 мүнүүтэлээх кирэдьииккэ киириигит, олоххут устатын тухары эрэйгитин эрэйдиэҕин.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…