Төлөпүөн түөкүттэриттэн сэрэниҥ!

Ааспыт нэдиэлэҕэ өрөспүүбүлүкэ сэттэ олохтооҕо түөкүттэртэн эмсэҕэлээбит. Түөкүттэр уопсайа 5,2 мөл. солк. тахса сууманы сойбоппуттар.

Түөкүттэргэ үлэтэ суох киһи, биэнсийэлээх, харабыл, сиэстэрэ, педагог, бааһынай хаһаайыстыба баһылыга, бибилиограф киирэн биэрбиттэр.

Саамай элбэх сууманы “ФСБ, РФ киин бааныттан” эрийэбит диэн албастанан, педагогтан 1,5 мөл солк. ыһыгыннаран ылбыттар. Тустаах ньыманан барыта 2,5 мөл. солк. суумаҕа үс киһи албыннаппыт.

“Инвестициялааһын” ньыматынан икки киһиттэн 1,9 мөл. солк. тахса сууманы уорбуттар.

Биир киһи “Энергосбыт” сымыйа үлэһитин кытта кэпсэтиитин түмүгэр 450 тыһ. солк. сүтэрбит, 224 тыһ. солк. кирэдьиит оҥорторон биир киһи эмсэҕэлээбит.

Сэрэхтээх буолуҥ, түөкүттэргэ киирэн биэримэҥ!