Алена Васильева тиксэриитэ.
Тэҥкэ нэһилиэгин олохтооҕо, норуот маастара, иистэнньэҥ, оҕуруотчут Розалия Алексеевна Кириллина бочуоттаах сынньалаҥҥа тахсан баран тугунан эрэ дьарыгырдахха сатанар диэн, иискэ уһуйар санааттан 2016 сыллаахха үөлээннээхтэрин түмэн «Дьоҕур» иистэнньэҥнэр түмсүүлэрин тэрийэн, бэйэтин дьиэтигэр үлэлэтэн барбыта.
Бастатан туран, хас биирдиилэригэр маҥан өҥнөөх уонна сайыҥҥыга диэн сибэккилээх сахалыы халадаай былааччыйалары тиктибиттэрэ. Былаачыйаларыгар кэһиэччик уонна хоруоҥканан илин кэбиһэр, бастыҥа оҥостубуттара. Биллэн турар, саҥа саҕалааччыларга ыарахан этэ, элбэхтэ көтүрэн, үс ый курдугунан бүтэрэллэр. Хоруоҥка оһуордаах үтүлүк, сахалыы суумкалары тигэттииллэр.
Дьэ, ол кэннэ сиэлинэн дьарыгыраллар. Дэйбиир оҥостоллор, сиэли өрөргө анал станок оҥорторон саламаҕа ситии хаталлар. Нэһилиэк ыһыаҕар туттуллар саламалар ситиилэрин кинилэр өрөн биэрбиттэрэ. Сылын ахсын ыһыахха туруоралларыгар сиэлтэн үс миэтэрэ үрдүктээх ураһа өрөллөр. 2022 сылга кыбытык тигиинэн дьарыктаналлар. Олбох тигэртэн саҕалаан сукуна сэлиэччиктэри тиктэллэр. Улуу Кыайыы 77 сылынан, 92 саастаах үлэ уонна тыыл бэтэрээнэ Аввакумова Варвара Михайловнаҕа кыбытык тигии оһуордаах сэлиэччик тигэн бэлэхтээбиттэрэ. 2023 сылга сахалыы сайыҥҥы сон, дьабака бэргэһэ уонна онно дьүөрэлээн кэтэргэ сөп түбэһэр илин кэбиһэр, бастыҥа оҥостоллор. Хаас, индюк кынаттарын уһун түүлэриттэн сапсыыка, моонньуга кэтиллэр өттүк симэҕэ хоруоҥканы тиһэн оҥостоллор.
Бу сылга аныгы кэм хардыытынан бохо истииллээх былааччыйа, сэлиэт уонна моонньуга кэтэр хоруоҥканан киэргэтиллибит киэргэл тиктэллэр. Сыл бүтэһигиттэн саҕалаан сахалыы кыһыҥҥы сон, дьабака бэргэһэ, быысапка оһуордаах үтүлүк тиктэргэ былааннаан саҕалыыллар. 2024 сыл муус устар ыйыгар бу улахан үлэлэрин түмүктүүллэр. Ити үлэлэр эскизтэрин, өҥнөр дьүөрэлэһиилэрин, хас миэтэрэ, хайдах өҥнөөх матырыйааллары ылыахтаахтарын, таҥастар быыкарайкаларын Розалия Алексеевна сүрүннээн оҥорон биэрэр.
Иистэнэллэрин таһынан нэһилиэккэ ыытыллар араас тэрээһиннэргэ мэлдьитин кытталлар. Ол курдук, сылын ахсын ыһыахха «Уол оҕо – кус быһый, ат бөҕө» диэн алын сүһүөх оскуола саастаах уол оҕолорго өбүгэ оонньууларыгар спортивнай күрэс ыыталлар. 2023 сыл сааһыгар «Кыайыы скверыгар» мас олордон, сайынын сибэкки ыһан, ыскаамыйа туруортаан сынньанар сир оҥорбуттара.
Алена ВАСИЛЬЕВА.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…