Хаартыска: sakhagov.ru
«Теплоэнергосервис» («РусГидро» бөлөх «Якутскэнерго» аахсыйалаах уопсастыбатын алын хампаанньата) Саха сирин бары улуустарыгар ититии ситимин холбуур кэмин саҕалаата. Бу туһунан хампаанньа генеральнай дириэктэрэ Максим Трофимов ЯСИА-ҕа иһитиннэрдэ.
«Хочуолунайдар атырдьах ыйын 29 күнүгэр Усуйаана улууһугар – Усуйаана, Хаһааччыйа уонна Тумат сэлиэнньэлэригэр эмиэ сылааһы киллэриини саҕалаабыппыт. Хабаровскай кыраай Охотскай сэлиэнньэтигэр эмиэ үлэлиибит, онно балаҕан ыйын 15 күнүгэр былааннанар», — диэтэ Максим Трофимов.
Ититиигэ холбонуох иннинээҕи кэмҥэ тиэхиньикэни уонна ититэр ситимнэри былааннаахтык көрүү-истии ыытыллыбытын бэлиэтээтэ. Өймөкөөн оройуонугар Уус Ньараҕа «Нерскэй» хочуолунайга, итиэннэ сайыҥҥы халаан кэмигэр халаантан эмсэҕэлээбит Биэрэк Үрдэ уонна Өймөкөөн сэлиэнньэлэригэр ититэр ситимнэргэ ураты болҕомто ууруллар.
“Сайыҥҥы кэм саҕаланыытын кытта Уус Ньара сэлиэнньэтигэр ТЭС хочуолунайыгар сүрүн сылааһы хааччыйар ситимнэри улахан кээмэйдээх саҥардыы уонна анал тэрилгэ хапытаалынай өрөмүөн ыытылынна. Томтор нэһилиэгэр эмиэ ититии ситимнэригэр уонна МКУ-14 хочуолунайыгар иккис турбаны туруоран, улахан үлэ ыытылынна”, — диэн иһитиннэрдэ.
Уус Маайа оройуонун Уус Миил бөһүөлэгин хочуолунайыгар икки хочуол саҥардылынна, оттон Уус Маайаҕа «Квартальнай» уонна «Леспромхоз» хочуолунайдарыгар эмиэ уларытыы үлэтэ барда. Солнечнай бөһүөлэккэ 1 №-дээх хочуолунай үрдүн, анал тэриллэрин өрөмүөннээһин түмүктэннэ, 1 №-дээх хочуолунайы оһоҕун уларытан, хапытаалынай өрөмүөн үлэтэ түмүктэннэ. Маны таһынан, Уус Маайа, Элдьикээн уонна Петропавловскай бөһүөлэктэр хочуолунайдарыгар саҥа күрүөлэр туруоруллан, эбийиэктэр куттала суох буолууларын хааччыйдылар. Күп нэһилиэгэр хочуолунайга эмиэ үлэ ыытылынна.
Бүлүүтээҕи филиал толорор үлэлэриттэн билигин 7 уонна 8 №-дээх электрохочуолунайдарга КЭВ-2500/6 хочуолунайдары өрөмүөннээһин, ону тэҥэ Чернышевскай бөһүөлэгэр столярнай мастарыскыай дьиэтин үрдүн хапытаалынай өрөмүөнэ киирэллэр. Охотскайдааҕы филиалга МКУ-17,5 МВт хочуолунайга түөрт, МКУ-10,5 МВт хочуолунайга биир циклону уларыттылар.
Сыллата Ил Дархан Харыйатыгар Саха сирин бары улуустарыттан, куорат уокуруктарыттан, талааннаах оҕолору булар, өйүүр өрөспүүбүлүкэ,…
2026 сыл -- илиҥҥи гороскуобунан Уот кыһыл Ат сыла. Дьэ, быйыл Саҥа дьыллааҕы харыйалары хайдах…
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…