Теплотрасса турбатын уорууга уорбаланар киһини быһаардылар

Дьокуускайга ИДьМ 1-кы №-дээх отделыгар хомунаалынай тэрилтэ бэрэстэбиитэлэ резервнэй теплотрасса учаастагыттан тимир турбалары уорбуттарын туһунан иһитиннэрбит. Хоромньу 110 тыһ.солк. тэҥнэспит. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ Краснодарскай кыраайтан төрүттээх, эрдэ сууттана сылдьыбыт 54 саастаах киһи уорбаланарын быһаарбыттар.

Барыллаан быһаарбыттарынан, уорбаланааччы хараҥа кэмҥэ кэлэн алталыы миэтэрэ уһуннаах тимир турбалары быһан ылбыт. Манипулятор ыҥыран, тимир турбалары өҥнөөх тимирдэри туттарар пууҥҥа илдьибит. Онтон ылбыт харчытын бэйэтин наадаларыгар бараабыт.

Уоруллубуту ылбыттар. Уоруунан холуобунай дьыала тэриллибит.