Теракт оҥорорго соруммут 14 саастаах кыыһы туппуттар

Красноярскайга оскуола үөрэнээччитэ кимнээҕэ биллибэт куһаҕан санаалаахтар этиилэрин ылынан террористическай акт оҥоро сатаабыт. Бу туһунан Российская газета саайтка суруйаллар.

Силиэдэбэтэллэр 14 саастаах кыыска теракт оҥорорго холонуунан холуобунай дьыаланы тэрийбиттэр.

Кыыс мессенджеринэн кэлбит этиигэ киирэн биэрбит. Билбэт киһитэ тимир суол эбийиэгин уматыы иһин 20 тыһ. солк. биэриэм диэн эрэннэрбит. Оҕо саарбаҕалаабытыгар билбэт киһитэ бу сокуоннай диэн эппит итиэннэ хайдах гынар туһунан ыйынньык ыыппыт диэн Сибиирдээҕи тырааныспар полицията иһитиннэрбит.

Кыыс уматаары бэлэмнэнэ сылдьарын ааһан иһэр пуойас машиниһа көрөн, тута быраабы араҥаччылыыр уорганнарга биллэрбит.

Кыыһы туппуттар. Суут дьиэҕэ олордор миэрэни ылыммыт. Бу туһунан Российская газета саайтыгар суруйаллар.