Хаартыска: А.Сорокин (СИА)
Саха Сирин олохтоохторо кэлиҥҥи кэмҥэ бэйэлэрин дойдуларын кэрийэн көрөллөрө, күүлэйдииллэрэ үтүө үгэскэ кубулуйда. Улуустарга туризм сыллата сайдан иhэрэ бэлиэтэнэр.
Омук дойдуларыттан да ыалдьыттар ахсааннара элбиир. Инникитин туризм өссө сайдарын туһугар араас бырайыактар үлэлииллэрэ да элбээтэ. Саха сиригэр туризм ордук сайдыбыт сирдэринэн Өлүөнэ очуостара, Булуус, Күрүлүүр, Киhилээх хайа, Харама хайата, Сиинэ хайалара, тукулааннар, Буотама уо.д.а буолаллар. Бу маннык сирдэргэ дьон күүс, сэниэ эбинэн, ыраастанан, алгыс ылынан сынньанар. Дойдубут хатыламмат, кэрэ кѳстγγлээх сирдэрин туhунан элбэхтик суруйаллар, кэпсииллэр. Мин үөрэтэр оҕолорбор эмиэ мэлдьи кэпсиибин, билиһиннэрэбин. Оҕолор үчүгэйдик билэллэр эбит. Дьоннорун кытары күүлэйдии, сынньана барар оҕо ахсаана сыллата элбээн иһэр. Бу маннык кэрэ сирдэринэн сылдьар оҕо өйө-санаата уларыйар, көрүүтэ кэҥиир, төрөөбүт дойдутугар таптала күүһүрэр дии саныыбын.
Үөрэнээччилэрбэр сиргэ, тыаҕа сатаан сылдьарга, куомпастаах сылдьан туһанарга, каартаны сатаан ааҕарга үөрэтэ сатыыбын. Атын омук да сиригэр бардахтарына, бу билиилэрэ олус туһалыаҕа. Билигин оҕолор ол туһунан өйдүүллэрэ, билэ-көрө сатыыллара наһаа үчүгэй. Ордук үрдүкү кылаас үөрэнээччилэрэ сэҥээрэллэр. Оҕолортон ыйыталастахха, омук сиригэр күүлэйдии барыан баҕалаах оҕо элбэх эбит. Бэйэбит дойдубут кэрэтэ, айылҕатын мааныта олус үчүгэй эбээт. Онон бэйэбит төрөөбүт дойдубутун кэрийэн көрүөххэ, оҕолорбутугар кэпсиэххэ, тапталы иҥэриэххэ!
Афанасий ГОГОЛЕВ, география учуутала, Мүрү 1 №-дээх орто оскуолата
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…