Хаартыска Нам улууһун дьаһалтатын пресс-сулууспатыттан
Бу күннэргэ Ийэ тыл уонна сурук-бичик күнүн дэкээдэтин чэрчитинэн Нам улууһун Никольскай нэһилиэгэр араас тэрээһиннэр ыытылыннылар.
«Саха тылын сүмэтэ…» онлайн-викторинаҕа барыта 15 киһи кыттыыны ылбытыттан, 3 кыайыылаах наҕараадаланна диэн Нам улууһун дьаһалтатын пресс-сулууспата иһитиннэрэр. Ол курдук бастакы миэстэни – П.С. Винокурова, иккиһи – И.И. Акакиева, үсүһү – В.В. Герасимова ыллылар.
Олунньу 15 күнүгэр «Күндүл» Е.И. Бубякина аатынан норуот айымньытын дьиэтигэр «Мин тылым – мин тохтор тойугум, мин тылым – мин туойар хомуһум» диэн тэрээһин буолан ааста.
Тэрээһини алгыстаах алаадьынан айах тутан, тойугунан, дьиэрэһитэр хомус тыаһынан үлэ бэтэрээнэ Валентина Осипова аста. Норуот айымньытын дьиэтин дириэктэрэ Е.Д.Баишева саха лингвист учуонайа С.А.Новгородов туһунан бэрт интэриэһинэй иһитиннэриини оҥордо, ол кэнниттэн улуус, өрөспүүбүлүкэ, аан дойду таһымыгар тиийэ ырыа күрэхтэһиитин кыайыылаахтара «Намыына» ырыа ансаамбылын истиҥ ырыаларынан эҕэрдэлээтэ.
«Төрөөбүт төрүт тылбынан… » хоһоону дорҕоонноохтук ааҕыы күрэхтэһиитэ көхтөөхтүк ааста. Манна Никольскай алын кылааһын үөрэнээччилэр кытыннылар. 1-кы миэстэни «Буукубалар» диэн хоһоону бөлөҕүнэн ааҕан 1-кы кылаас үөрэнээччилэрэ ыллылар (салайааччы С.Е. Нератова), 2-с миэстэни 4-с кылаас үөрэнээччитэ Айсен Семёнов «Төрүт тылбыт» хоһоонунан ылла, 3-с миэстэни 4 кылаас үөрэнээччиллэрэ «Харыйа» хоһоонунан Айыллаана Винокурова уонна «Саха тыла» хоһоонунан Эрчим Федотов ыллылар.
Ийэ тыл уонна сурук-бичик күнүн тэрээһинэ бэрт сэргэхтик, оһуокайынан түмүктэннэ.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…