Төрөөбүт тыл күнүн көрсө кырачааннарбытыгар хоһоонно ааҕыаҕыҥ

Төрөөбүт тылынан оҕону аахтара үөрэтии уонна кинигэҕэ сыһыарыы  кини кырачаан сааһыттан саҕаланнаҕына, ордук көдьүүстээх буолар.Сахабыт сиригэр Төрөөбүт тыл уонна сурук-бичик күнүн көрсө кырачааннаргытыгар хоһооннору ааҕаргытыгар СӨ норуодунай суруйааччыта Иван Мигалкин хоһоонноруттан билиһиннэрэбит.

Отон бэрдин амсатыам

Оҥой-соҥой  көрөммүн

Оҥоойукпар үргүүбүн,

Отон бэрдин амсатыам,

Онтон оонньуу мин сүүрүөм.

Биэдэрэлэрим «үс саастаахтар»

Ийэбин батыһа сылдьаммын
Үрэхтэн киирэн уу баһабын,
Кини биэдэрэлэрэ улаханнар,
Миэннэрэ кыралар —
«үс саастаахтар».

Эһэбэр көрдөрүөм

Үүнэн турар тэллэй
Көрөргө үчүгэй,
Эһэбэр көрдөрүөм,
Онтон дьэ үргүөм.

Бу тэттик хоһооннор Иван Васильевич  «Мин хаар оҕотобун»  диэн саҥа кинигэтиттэн ылылыннылар. «Айар» Национальнай кинигэ кыһатыгар бэчээттэммит кырачааннарга анаммыт кинигэчээҥҥэ кырачааннар күннээҕи түбүктэрин, дьээбэлэрин-хооболорун туһунан хоһооннор киирбиттэр.
Улахан дьон оҕолоругар ааҕалларыгар анаммыт кинигэ уруһуйдара да дьэрэкээннэр, сиэдэрэйдэр. Худуоһунньуктар Е.И.Романова уонна А.П.Захарова уруһуйдаабыттара.

Хаартыскалар И.Мигалкин кинигэтиттэн ылылыннылар