Кырачааннарга анаммыт кинигэттэн. Ааптар хаартыската
Төрөөбүт тылынан оҕону аахтара үөрэтии уонна кинигэҕэ сыһыарыы кини кырачаан сааһыттан саҕаланнаҕына, ордук көдьүүстээх буолар.Сахабыт сиригэр Төрөөбүт тыл уонна сурук-бичик күнүн көрсө кырачааннаргытыгар хоһооннору ааҕаргытыгар СӨ норуодунай суруйааччыта Иван Мигалкин хоһоонноруттан билиһиннэрэбит.
Оҥой-соҥой көрөммүн
Оҥоойукпар үргүүбүн,
Отон бэрдин амсатыам,
Онтон оонньуу мин сүүрүөм.
Ийэбин батыһа сылдьаммын
Үрэхтэн киирэн уу баһабын,
Кини биэдэрэлэрэ улаханнар,
Миэннэрэ кыралар —
«үс саастаахтар».
Үүнэн турар тэллэй
Көрөргө үчүгэй,
Эһэбэр көрдөрүөм,
Онтон дьэ үргүөм.
Бу тэттик хоһооннор Иван Васильевич «Мин хаар оҕотобун» диэн саҥа кинигэтиттэн ылылыннылар. «Айар» Национальнай кинигэ кыһатыгар бэчээттэммит кырачааннарга анаммыт кинигэчээҥҥэ кырачааннар күннээҕи түбүктэрин, дьээбэлэрин-хооболорун туһунан хоһооннор киирбиттэр.
Улахан дьон оҕолоругар ааҕалларыгар анаммыт кинигэ уруһуйдара да дьэрэкээннэр, сиэдэрэйдэр. Худуоһунньуктар Е.И.Романова уонна А.П.Захарова уруһуйдаабыттара.
Хаартыскалар И.Мигалкин кинигэтиттэн ылылыннылар
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…