Хаартыска: Ил Түмэн пресс-сулууспата
Бу күннэргэ «Төрөөбүт тыл уонна төрөөбүт литэрэтиирэ бастыҥ учуутала – 2024» Бүтүн Арассыыйатааҕы идэлээх куонкурус өрөспүүбүлүкэтээҕи түһүмэҕин өрөгөйдөөх түмүгэ билиннэ.
Тэрээһин С.Н. Донского-II аатынан Саха Өрөспүүбүлүкэтин үөрэҕи сайыннарар уонна квалификацияны үрдэтэр үнүстүүккэ буолла. Дьоро күнү киэргэттилэр олоҥхоһут Яна Нюргусова, ырыаһыт Олимпия уонна «Сыдьаайа» үҥкүү бөлөҕө. Бу күҥҥэ учууталлары эҕэрдэлээтилэр Саха Өрөспүүбүлүкэтин Үөрэҕин уонна наукатын министиэристибэтин Каадырын бэлиитикэтин судаарыстыбаннай сулууспатын уонна юридическай хааччыйыытын салаатын салайааччыта Мария Винокурова, Үөрэҕи сайыннарар уонна квалификацияны үрдэтэр үнүстүүт дириэктэрэ Нюргун Павлов, Саха Өрөспүүбүлүкэтин Хотугу аҕыйах ахсааннаах норуоттарын Ассоциациятын бастакы вице-бэрэсидьиэнэ Ольга Тимофеева-Терешкина.
«Учуутал ханнык баҕарар киһи дьылҕатыгар улахан оруоллаах. Оттон төрөөбүт тыл, литэрэтиирэ курдук биридимиэттэри үөрэтэр учуутал билиититтэн, маастарыстыбатыттан, тылыттан-өһүттэн, үтүө майгытыттан, талааныттан наһаа элбэх тутулуктаах. Эһиги ийэ тылы иҥэринэргэ үөрэтэргит, билиини-көрүүнү биэрэргит таһынан, төрөөбүт дойдуларын, айылҕаларын ытыктыыр, таптыыр патриоттары, дьон-сэргэ олоҕун тупсарар, өрөспүүбүлүкэлэрин сайыннарар кыахтаах кэнчээри ыччаты иитэн-үөрэтэн таһаараҕыт. Үйэлэргэ симэлийбэккэ, умнуллубакка бүгүн олох бары эйгэтигэр толору туттуллан сылдьарыгар тылы харыстаспыт чаҕылхай учууталларбытыгар барыгытыгар махтанабын!», — диэн Ил Түмэн Наукаҕа уонна үөрэҕириигэ сис кэмитиэтин бэрэссэдээтэлэ Антонина Григорьева эҕэрдэлээтэ.
«Төрөөбүт тыл уонна төрөөбүт литэрэтиирэ бастыҥ учуутала – 2024» куонкурус кыайыылааҕынан И.С. Гаврильев аатынан Нам 1-кы №-дээх орто уопсай үөрэхтээһиҥҥэ оскуолатын учуутала Лариса Данилова буолла. Кыайыылаах Казань куоракка буолуохтаах куонкурус Арассыйатааҕы түһүмэҕэр кыттар чиэстэннэ. Бу туһунан Ил Түмэн пресс-сулууспата суруйар.
Тохсунньу 4 күнүгэр «Пути великих свершений» эспэдииссийэ кыттыылаахтара Өлүөхүмэҕэ тиийбиттэр. Бастатан туран кинилэр Өлүөхүмэтээҕи кыраайы…
Уһук Хоту уонна онно тэҥнээх сирдэрин олохтоохторо биэнсийэҕэ сааһынан биэс сыл иннинэ тахсыахтарын сөп. Ол…
Тохсунньу 4 күнүгэр «Саха» НКИХ саха алыптаах ырыатын «Үрдэл» музыкальнай бириэмийэтэ 2024 сыл бастыҥ ырыаларын…
Нумеролог Мариана Тимофеева 2025 сылы билгэлээтэ. Үүммүт сыл, сыыппара хараҕынан көрдөххө, тугу тосхойоруй? Үүммүт Иэйиэхсит…
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…