Денис Попов хаартыскаҕа түһэриитэ.
Kerdee.ru диэн сахалыы аныгы көрдөөччүнү (поисковигы) Төрөөбүт тыл уонна сурук-бичик күнүгэр сүрэхтээтилэр. Саайт биир платформаҕа сахалыы сонуннары, видеоны түмүөн, олохтоох телеграм-канааллары булуон, ону тэҥэ нуучча тылыттан тылбаастыан сөп. Саҥаны айан таһаарааччылар саха тылын салгыы нейроситимҥэ киллэриини торумнууллар, диэн СИА иһитиннэрэр.
Агрегаторы “Сахамедиа” хампаанньа төрүттээтэ. Генеральнай дириэктэри солбуйааччы Чокуур Гаврильев билигин өрөспүүбүлүкэҕэ сахалыы тыллаах аҕыйах саайт баарын бэлиэтээтэ. Оттон судаарыстыбаннай саха тылынан сонуну-нуомаһы көрдөөн булан биэрээччи олох суох.
“Интэриниэт эйгэтигэр сахалыы тылынан сонуну булар уустугуттан, саайт оҥорорго быһаарыммыппыт. “Сахамедиа” генеральнай дириэктэрэ Виктор Колесов биһигини өйөөбүтэ, онон Kerdee.ru саайты оҥордубут. Манна сахалыы тылынан тахсыбыт сонуннары булуохха сөп”, — диэн Чокуур Гаврильев кэпсээтэ.
Инновация сайдыытыгар министиэристибэ сыыппараны сайыннарыыга салаатын салайааччыта Дмитрий Васильев Kerdee.ru үлэтин саҕалаабытынан эҕэрдэлээтэ. Уонна агрегатор өрөспүүбүлүкэ олохтоохторугар кинилэргэ наадалаах сахалыы иһитиннэриилэри уонна видеоконтены булалларыгар көмөлөһүөҕэ диэтэ.
Саайты оҥорон таһаарааччы Станислав Ноев этэринэн, агрегатор “робот” көмөтүнэн сонуннары хомуйар. Оттон видеоны көрүү кэннэ саайт сахалыы контены көрөргө ыҥырар, оҕо тиэмэтигэр эмиэ болҕомто уурулунна. Контент агрегаторга бэйэтигэр буолбакка, источниктарга олоҕурар. Сахалыы клавиатурата суохтарга кликабельнай кунуопкалар бааллар.
Саха сирин тас сибээскэ уонна норуоттар дьыалаларыгар миниистирин солбуйааччы Татьяна Пяткина өрөспүүбүлүкэ салалтата судаарыстыбаннай уонна дьиҥ таһымнаах тыллары харыстааһыҥҥа уона сайыннарыыга бырагырааманы олоххо киллэрэрин, олору үбүлээһин балачча улааппытын бэлиэтээтэ.
“Сахамедиа” генеральнай дириэктэрэ Виктор Колесов саха тылын харыстааһыҥҥа уонна сайыннарыыга туһуламмыт үлэ манан тохтуо суоҕа диэн эрэннэрдэ. Инникитин дьиэлэргэ сахалыы саҥарар виртуальнай куоластаах көмөлөһөөччүлэр үлэлииллэрин курдук нейроситими кытта үлэлиэхтэрэ. “Виртуальнай көмөлөһөөччүлэр – бу цивилизация сайдыытыгар улахан хардыы. Аныгы эйгэҕэ кинилэр улахан үлэни толороллор. “Сахамедиа” бастакы хардыытынан “Саха сирэ” хаһыат иһитиннэрэр-биллэрэр саайтын арыйбыта буолар, билигин аны Kerdee.ru олоххо киллэрдибит. Салгыы бары уопсай күһүнэн саха тылын нейроситимҥэ киллэриэхпит.”
Дьулустан Сергеев.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…