Олунньу 13 күнэ— Төрөөбүт тыл уонна сурук-бичик күнэ. Бу бэлиэ күн «Сахамедиа» үлэһиттэрэ дьыктаан суруйар буолбуттара хаһыс да сылыгар барда.
Өрүү да буоларын курдук, сарсыардаттан сахалыы таҥнан-симэнэн өрөспүүбүлүкэтээҕи медиа-кииҥҥэ түмүстүлэр. Бэлиэтээн эттэххэ, манна ким баҕалаах кэлэн эмиэ кыттар.
Быйыл дьыктааны «Саха сирэ» хаһыат корректора Ангелина Данилова аахта. Кини хас биирдии тылы чуолкайдык, доргуччу аахпытын дьыктаан суруйааччылар олус сөбүлээтилэр. Тугу да сыыска-буорга түһэрбэккэ болҕойон олорон иһиттилэр, суруйдулар.
Буоларын курдук, саамай долгутуулаах түгэнинэн бэрэбиэркэ үлэтэ буолар. Хас да киһилээх хамыыһыйа дыктааны хайдах суруйбуттарын тута бэрэбиэркэлээтэ. Бу кэмҥэ тэрээһин кыттыылаахтара быырпах истилэр, алаадьы амсайдылар.
Бэрэбиэркэ түмүгүн иһитиннэрии долгутуулаах түгэнинэн буолла. Быйылгы сахалыы дьыктааҥҥа «Саха сирэ» хаһыат кэлэктиибэ күннээтэ. Бастакы миэстэни «Саха сирэ» хаһыат суруналыыһа Ангелина Васильева ылан улаханнык үөрдэ. Иккис бириистээх миэстэҕэ «Саха сирэ» хаһыат бэтэрээнэ Дария Макарова тигистэ. Үсүһү «Саха сирэ» хаһыат суруналыыһа Людмила Попова ылла. Кинилэргэ өйдөбүнньүк бэлэхтэр туттарылыннылар.
Мария Васильева хаартыскаларга түһэриитэ, СИА
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…