Хаартыска: Мария Васильева, СИА.
Айсен Николаев төрөөбүт тыллары харыстааһын, үөрэтии уонна сайыннарыы эйгэтигэр СӨ Ил Дарханын бириэмийэтин аныыр туһунан дьаһалга илии баттаата.
Кирилл уонна Мефодий аатынан төрөөбүт тыллары харыстааһын, үөрэтии уонна сайыннарыы эйгэтигэр Ил Дархан бириэмийэтэ славянскай суругу-бичиги уонна култуураны, духуобунаһы сайыннарыыга, Саха сирин элбэх омуктаах норуоттарын сомоҕолооһуҥҥа кылаатын иһин А.Е.Кулаковскай аатынан Норуоттар доҕордоһууларын дьиэтин омуктар икки ардыларынааҕы сыһыаннаһыыга салаатын сэбиэдиссэйэ Ирина Стрекаловскаяҕа ананна.
Бэрэпиэссэр Николай Георгиевич Самсонов аатынан төрөөбүт тыллары харыстааһын, үөрэтии уонна сайыннарыы эйгэтигэр Ил Дархан бириэмийэтэ нуучча тылын үөрэтиигэ, сайыннарыга кылаатын иһин Өймөкөөн улууһун Уус Ньара гимназиятын нуучча тылын уонна литэрэтиирэтин учуутала Лариса Рыльченкоҕа ананна.
Саха сиригэр судаарыстыбаннай уонна официальнай тыллары харыстааһын уонна сайыннарыы судаарыстыбаннай бырагырааматын үбүлээһинэ 2023 сылтан икки төгүл кэриҥэ эбиллэн, 100 мөл. солк. тиийбитэ.
Ил Дархан бириэмийэтин сыллата өрөспүүбүлүкэҕэ олорор тыл бэлиитикэтин, духуобунай култуура эйгэтигэр систиэмэлээх, судаарыстыбаннай уонна хотугу аҕыйах ахсааннаах омуктар олорор сирдэрин официальнай тылларын харыстаһыҥҥа, сайыннарыыга үгүс сыллаах сырдатар үлэлэрин иһин аныыллар.
Хандьыдааттары улуустар уонна куораттар уопсастыбаннай түмсүүлэрэ, култуура, билим, үөрэх тэрилтэлэрэ, сонуну киэҥник тарҕатар ситимнэр түһэрэллэр.
Бу туһунан Ил Дархан пресс-сулууспата суруйар.
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…